يقولون الصبر غيمه وانا اقول الصبرمحتال!

بعد ما هو غشاني الصمت هنا للبوح لي مدخال
ابي اكسر جدار الصمت بعد ما جار تطويقه

.

وبعد مالت على وجهي ليال الهم والغربال
سلام الله يا حلمي من الضيقه ليا الضيقه

.


اعيش الواقع المُحزن واشوف ان الليال اطوال
وانا ادري ان الهنا ممكن ولكن كيف تحقيقه ؟

.


غريب وغربتي طالت تموت بداخلي الآمال
تمزقني الليال السود ثقيل الوقت ما اطيقه !!

.

طويتك يا دروب الصمت طويتك والجروح اشكال
طويتك والاسى وارق على أوطاني مواريقه


.


خفوقي لي متى تكفى !! تعبت اطرد سراب اللال !!
ابي منك الجواب ارجوك ولو هو صعب تصديقه


.


وثقت ولا بقى لي شي .. سوى يوم العزوم جبال
زمان ٍ لو عقد به عهد .. يخون اسهل مواثيقه

.

يقولون الصبر غيمه .. وانا اقول الصبر محتال
لأني من صبر وآخر محاصيله ( نشف ريقه )

.


والا يا حاسد ٍ حالي ابي تشرب ولو فنجال
من هموم ٍ ملت عرقي على قلبي ومعاليقه


.


لجل تدري وش همومي على الغربال والترحال
وعلى الهاجس ليا من قام يغني لي طواريقه


.


يغني لي وانا دمعي على خدي جرى همال
سبايب حظي المقفي وقل ّ الحظ توفيقه