يقال ان جندي سعودي من القوات السعودية بسوريا
ذهب لقرية سورية تسمى كناكر لتفصيل بدله والخياط
في تلك القرية بنت . وعندما بدئت التفصيل لم يعجبه
تفصيلها فطلب منه ان تسمح له بخياطة بدلته بنفسه
فأذنت له فبينما هو يخيط البدله دخل عليهم احد الجنود
الكويتيين فقال الأبيات التاليه ......
ولم يذكر اسمه :
يا بنت يلي في (كناكر) تخيطين
جندي سعودي بالخياطات فنا
تريحي يابنت جولك بديلــــين
رجالهم في شفــلكم ماتونـا
اذا اشتغل يابنت وانتي تشوفين
وان دقت الابره مع السلك غنا
على الخياطه ياخذ الصنف عشرين
ومن القماش يخيط باليوم طنا
رجالهم يابنت يعرف بثنتين
الكحل في عينه وبالكــف حنــا
على حسب قوله طلعتوا غشيمين
اخذ زمام الفوز من غير منا
ورد احد الشعراء السعوديين واسمه ( سعيد سفر العجمي )
بالأبيـــات التــــالــية ::
جاني جوابا به من الشعر بيتين
قولوا لراعي الخط خطه وصلنا
من الكويتيين يحمــل عناويــن
وراعيه من خوفه خفا الاسم عنا
لكن لك الله لابدل الخط خطيــن
والحمدلله جت على ما تمنى
واضح اسمي واطبق القاف قافين
واللي تحدانا ترى ما شطنــــا
انا من اللي ان تعلوا شياطين
بظهورهــا شجعان أبطال حنــا
من الذي بوسط المجالس سلاطين
ربعي هل الطولات زبنا المجنــا
جندي سعودي جيت من منبع الدين
نحمي عروبتنا ونحمي وطنا
جيش السعودي بالمعارك شجيعين
وبدالنا بالمعركه هي كفنــــا
يابنت لهروجه حذارك تصاغين
هذي خبول الناس جت تمتحنا
عرضت ساقك للكسر يامسيكين
خبلاٍ رماه الله وأجلــه تدنــأ
نسيت صنعتكم وفيها فهيمين
معروفة صنعتك من غير ضنا
فزتوا علينا صنفكم صار خمسين
بديله ( المرقب ) عليها تثنــــا
يابنت كانك (.......) تريـدين
جندي كويتي سمسري لك يعنا
يشاركك بالمصلحه لو تعيين
وفرح اذا يسمع جرسكم يرنا
ويساعدك كان الزباين كثيرين
بطران واحلى أخبار عنه نشرنا
والمعذره يلي كراما وغاليـــن
صار الخطى منكم ولا صار منا
والقصه ذكرها الشاعر( محمد بن سالم بن جروان) رحمه الله في قصائده المعروفه.....
عذراً لايمكنك مشاهدة التواقيع كونك غيرمسجل في المنتدى
قصة قصيدة (يا بنت يلي في كناكر تخيطين)
قصة قصيدة (يا بنت يلي في كناكر تخيطين) 
مشاركة: قصة قصيدة (يا بنت يلي في كناكر تخيطين) 
النمط الخطي
