من اجل عز القبيلة وراعي العرس !!!!!!!!!

الملحمة الجهنية

هلا يا مرحبا منـي نيابـة عـن بطـن ذبيـان=أبن غيان أبن قيـس الوفـي فـي جـده جهينـه
رسـول الله كرمهـم وشرفهـم مـدى الازمـان=بعد ما جو وفـوٍد للرسـول اللـي رضـو دينـه
وقال انتم بنـو غيـان بـل انتـم بنـو رشـدان=وودايكم غوى يصبح رشـاد اليـوم مـن حينـه
هلا يا مرحبا مني وانـوب انـا عـن الشجعـان=عيـال الشايـب المرحـوم الا مرحومـه سنينـه
تشرفنا بهـا مـن شـان عبـدالله مـع سليمـان=وعبدالهـادي وذايـد واخـوه سعـود مبديـنـه
ولانسى من تنومس به رياجيل الشـرف والشـان=سعـد حمـاد بالقمـه صنـع عرشـه بيديـنـه
هلا واعداد ما ناحت لنا الورقا علـى الاغصـان=هلا واضعاف ما عـد الخريجـي فـي ملايينـه
هلا باللي بهـم زان المثـل تطـرب بـه الاذان=تبا تعرف صحيح العلـم ركـز واسمـع ايقينـه
وعند جهينـه الخبـر اليقيـن اروع مثـل لـلآن=يردد عنك يا بن كعب الاخنـس ذابـح حصينـه
وفيها قال كم ضيغم هموس ورد ابـد مـا هـان=شجاع لا يهـاب المـوت ابـى شبليـن بعرينـه
علوت بياض هامته بسيـف فـي يـدي شامـان=واضحى في الفـلاة لـه حـراك فـي دمامينـه
هلا في لابتي ربعي هلا فـي معشـر الجهنـان=هلا باحفـاد مـن قـاد الجهـاد بيـوم حطينـه
لو اعدد صحابـه مـن جهينـه تتعـب القيفـان=الا واستغفـر الله كـان قلـت ايـات ومبيـنـه
سبرنـا للرسـول قريـش ببذيـل وبنـو غيـان=عدي بذيل مع بسبـس ومـن ذبيـان محصينـه
هلا باشرس كتيبه فـي نهـار الفتـح والايمـان=ومن يقـراء فتـح مكـه يجدنـا فـي عناوينـه
غداة الفتح والـف مـن جهينـه كلهـم فرسـان=ويـوم حنيـن حققنـا هـدف منشـود ناويـنـه
رفعنا رايـة التوحيـد وارهقنـاك يـا الطغيـان=هلابـك يـا علـم عـز القبيلـة فـي ميادينـه
رسـول الله فضلنـا حديثـه واضـح البرهـان=وقال اخيـر يـوم الديـن قومـا عنـدي جهينـه
روى هذا الحديث ابو هريرة فـي صحيحـاً زان=وخرجـه السيوطـي فـي كتابـه قـال حامينـه
حمو عترة رسول الله وارجـع للمصـادر كـان=تبا تقـراء قصيـده لابـن عقبـه فـي دوايينـه
هلا وابقى لنا التاريخ يا جهينـه جبـل مـا لان=شمخ غـرب الحـرم بعيونـك الثنتيـن تفدينـه
هنا مـن حقـي امجـد سلايـل مابهـا نقصـان=عروش من ذهب تبنـى جهينـه هـي سلاطينـه
هلا باروع تفاصيل النسب والعـرق والسيسـان=هلا باهل الكـرم والجـود والفعـل ومضامينـه
هلا في مالك وموسـى ومابـه فـرق بالاعيـان=موسى عيني اليمنـى ومالـك ذيـك هـي عينـه
هلا في عزوة ابن غنيم وربعـه جدهـا مـروان=هـلا فايـد هـلا بسميـر ومحـيـا وخييـنـه
وكاد اليوم كل القوم تعرف عقيـب مـع حسـان=هلابك يـا العطيـه والحوافـظ دوم لـي زينـه
هلابك يا حبيش ويا هلابك يـا عنمـه وسنـان=هلابك يـا كلبـات ويـا هلابـك يـا علاوينـه
هلا في لابة اللي صاغ ببحـور القصيـد الحـان=هلابـك يـا حجـور البـر والبحريـن والمينـه
هلا بعلاط مع نزى هلابـك يـا حمـده ذبيـان=تهلـي فيـك وترحـب وموسـى ذي موازينـه
واببدي عزوة القاضي وقوفـة مالـك الفرسـان=هـلا بقضاتهـا وكشوشهـا دايــم مزكييـنـه
هلابك يا بني مره هلابك يـا العـرف عمـدان=هلا يا الحشكلـي ويـاى الدبيسـي فـي قوانينـه
هلا ربيات وعنينـات وحصينـات مـع هدبـان=هلا يـا المشعلـي والميلبـي مبطـي مخاويينـه
وهذي عزوة القاضي ولا ننسـاك يـا الرجبـان=واكيـد أن الشظيفـي والكتينـي دائـم يعيـنـه
هلا في عزوتك يا القطر من مالـك لكـم شفقـان=دروع الحمض يا عـروة عداءكـم سـم ساقينـه
هلابك يا بني كلب وبنـي عامـر مـع البـذلان=هلابك يـا رفاعـه يـا هـلا بالزايـدي وينـه
هلا في عزوة الاشراف الاربـع معهـم النغـران=تسمو في بنـي ابراهيـم وحـق الحلـف مدينـه
هلابك يا الجريسـي والمشـدق وافـي الميـزان=هلابك يا الشطيري يـا هـلا بحريـب موفينـه
وقبل اختمك يا حلف الشرف والحـب والتحنـان=نهلي فـي صراصـرة السعـد ماحـن بناسينـه
هلا في ذروة قضاعـة سنـام المجـد والتبيـان=عزاوي ترهب العـادي وتنحـر فـي شرايينـه
والا من حقي ارحب بمـن وافـى مـن العربـان=نقـدم سلمنـا فنجـال بـن وهـيـل مهديـنـه
هلا يا مرحبا باللي لفـوا مـن سايـر الاوطـان=اخص الساحل الشرقـي وايضـا حائـل الزينـه
خوالك يا العريس انعم واكرم به نسـب قـد بـان=عريب الجد خال وعم عـروق الطيـب جانينـه
هلا في شمر الاسلـم كبـار صحـون للضيفـان=رواقٍ للعـرب عهـدا علـى انفسهـم ومعطينـه
هلا يا أهل اللحيسه والكرم والضيـف والجيـران=هـلا بذباحـة الحائـل عليـه التمـر وسمينـه
فوارس من وهب ومنيع وبعيسى جميـع اخـوان=والا من غيرهم خمسـة زحـولٍ للعـداء شينـه
الا يا ضاري البرغش يا اخو صلفـه نهـارٍ دان=ليا ثار الرمـك شلفـاه تطلـب راحـت يمينـه
هلا سنجارة الجربـاء علـى التميـاط والتومـان=وابن عزام ومحيثل وابـن راضـي وفـى دينـه
وابـن وتيـد والنبهـان وابـن قعيـط وثنيـان=طنايا ما كلـت للـزاد وسيـف الحـق مروينـه
ولا ننساك يا عبـده سناعيـس الوفـاء صدقـان=والا شلـون دار الحكـم يـا حائـل تخبريـنـه
جعافرةٍ تـرى مـنها الرشيـد وساسهـا قحطـان=هلابك يـا سمـاء التاريـخ مـا حنـا بمغدينـه
هلابك يـا سناعيـس الشريـم مدوخيـن الجـان=وابـن نهّيـر وهبـاس وابـا الميـخ قاريـنـه
ولا ننسى خـوال ابـوك منهـا مجـدد الايمـان=تميـم المجـد والهامـة ومـا حـنـا بخافيـنـه
هلابـك يـا تميـم العـز والتاريـخ والشيخـان=وقد قال الاثر فـي وجـه دجـال البشـر شينـه
هلابك يا الصقيه اخص خوال الشايب اللـي فـان=عساه لجنـة الفـردوس مـن حولـه رياحيينـه
هلا بمطيـر وعتيبـه هـلا بسبيـع والويـلان=هلابك يا بلـي وعـداءك طـول العـام تذينـه
هلا في حرب وايضا يام عرب والساس من كهلان=هلا بضيوفنا قحطـان ولا ننسـاك يـا مزينـه
هلا بختامها للي حضر واسـف علـى النسيـان=على من لا ذكـرت اسمـه وحنـا مـن محبينـه

اخوكم ابو سطام الجهني مع التحيه