يــابحـر جــده ؟

من قال مانته بغالي يابحر جده
الا انت والله بقلبي يابحر غالى


انا لك والشعر لك ومن الغلا حده
وانته بكبرك كانك ملكي لحالى


يازين لون الشفق خدك على خده
وياكثر ماشال همي موجك العالى


يابحر والذكريات سنين ممتده
والسر محفوظ فى بالك وفى بالى


ياثالث اثنين فيك الخير والسده
كنت ابني احلام فى شاطيك وامالى


وابنى من الرمل بيت و موجك يهده
وكنت اشربك وانت مالح واطعمك حالى


كنت التجي لك بعد مولاى فالشده
ولا يوم جيتك ورحت الا وانا سالى



يابحر واللى تعرفه ماختلف وده
لازال عهد الوفا مصيون لازالى



واليوم وقتى بسيفه مد لى حده
اقبل هداياي من همي وغربالى



واعذرنى ان همت فى صحرا الظما مده
العمر كله تراه ايام وليالى


وان غبت لابدلك من غيبتى رده
عسى الفرص يابحر جده تهيالى