صدري ملاه الهـــم والياس والحيف

يا بنت ضميني من الصيف للصيف
مليت مـــن جــــــور السنين وصلــفها

في ظلـمتك يابنت مــابه تحاسيف
عــلى الذي عــاف الحيــاةو قــرفها

داوي عليلاً غربلــته الصـواديف
كلــن عجــز عــن علتــه مــاكشفها

من غيرك الي خفف الجرح تخفيف
شوفي جروحي ورتمي في طرفها

وليا شبكت أيــدي خلف السراجيف
برش الثمن سعد منهــوا رشفـــها

من مبسم(ن) كنــه كــما سلة السيف
وعيون مــن قلب الحــبارى علفها

أنا اشهد انها الكيف يا مدور الكيف
وصف الطبيب الروح يومه وصفها

ألا يا بعـــد مــن يلبسن النــفانيف
من شافك مــن البيض تلعن جدفها

يا درة ما داج مثلـــك ولا شيــف
يا مهرتاً ماغــيري احــداً عســـفها

أنــتي لحالــك ثقــل باريــس وجنيف
يــلي مكـــــذبني رحلــها وشفها

من حسنها محداً وصف لو تناتيف
حتى أمها الي من زمان أتعرفها

أيــه خرافه مالـــها أي تصنيف
كلن عـلى طـــاري حــلاهــا ولفها

لجيت أصفصف فكرة الوصف تصفيف
يطري علي بعض الجمال وحرفها

مـــن وين اببــــدا فاالثمان المراهيف
فاعيونها في شعرها في شففها

فـــي جيدها ولا الثنـــين المــهاديف
والا بعـــد في خصرها الي ولفها

في وصفها مال التواصيف توصيف
والوصف كل الوصف مانصفها

لو شافها العاقل غدا خـــبل وخفيف
عــني ليــرمي غتــرته ويحرفها

لو شافها الي يلحـف القرش تلحــيف
والله ليصرف ثـــروتاً مــا صرفها

وش عــــاد مــن جاته بلـــيا تكاليف
غير الورود الي لهـــا قـــد قطفها

مـن أولاً معهــا بـروس المشار يف
واليـوم نفسه قـد لحقها كلفـــها

يابنــت قومي مـا بقاء دم ونزيف
أنا الـــذي رجلــه عشانك كرفها

يابنت قومي وزمن صلف ومخيف
جيتـــك بغلطات الزمــن أعترفها

صدري ملاه الهـــم والياس والحيف
عيني بكــت حلــمً تبــيه وكسفــها

جيتك أمدلـــــك اليدين النـواحيف
بسكن عيـــونك والجفون التحفها

هلي علــي من الدموع الذواريف
بصدر ونــه ليــت من هــو عزفـــها

تدرين ضميني من الصيف لصيف
مليت مـــن جور السنيــــن وصلفــها