حفل زفاف الاستاذ سعد الذبياني (شهاااب جهينه) بالصور

الملحمة الجهنية

هلا يا مرحبا مني نيابة عن بطن ذبيان =أبن غيان أبن قيس الوفي في جده جهينه
رسول الله كرمهم وشرفهم مدى الازمان =بعد ما جو فوٍد للرسول اللي رضو دينه
وقال انتم بنو غيان بل انتم بنو رشدان=وودايكم غوى يصبح رشاد اليوم من حينه
هلا يا مرحبا مني وانوب انا عن الشجعان =عيال الشايب المرحوم الا مرحومه سنينه
تشرفنا بها من شان عبدالله مع سليمان=وعبدالهادي وذايد واخوه سعود مبدينه
ولانسى من تنومس به رياجيل الشرف والشان=سعد حماد بالقمه صنع عرشه بيدينه
هلا واعداد ما ناحت لنا الورقا على الاغصان=هلا واضعاف ما عد الخريجي في ملايينه
هلا باللي بهم زان المثل تطرب به الاذان =تبا تعرف صحيح العلم ركز واسمع ايقينه
وعند جهينه الخبر اليقين اروع مثل للآن =يردد عنك يا بن كعب الاخنس ذابح حصينه
وفيها قال كم ضيغم هموس ورد ابد ما هان =شجاع لا يهاب الموت ابى شبلين بعرينه
علوت بياض هامته بسيف في يدي شامان=واضحى في الفلاة له حراك في دمامينه
هلا في لابتي ربعي هلا في معشر الجهنان=هلا باحفاد من قاد الجهاد بيوم حطينه
لو اعدد صحابه من جهينه تتعب القيفان=الا واستغفر الله كان قلت ايات ومبينه
سبرنا للرسول قريش ببذيل وبنو غيان=عدي بذيل مع بسبس ومن ذبيان محصينه
هلا باشرس كتيبه في نهار الفتح والايمان=ومن يقراء فتح مكه يجدنا في عناوينه
غداة الفتح والف من جهينه كلهم فرسان=ويوم حنين حققنا هدف منشود ناوينه
رفعنا راية التوحيد وارهقناك يا الطغيان=هلابك يا علم عز القبيلة في ميادينه
رسول الله فضلنا حديثه واضح البرهان=وقال اخير يوم الدين قوما عندي جهينه
روى هذا الحديث ابو هريرة في صحيحاً زان=وخرجه السيوطي في كتابه قال حامينه
حمو عترة رسول الله وارجع للمصادر كان=تبا تقراء قصيده لابن عقبه في دوايينه
هلا وابقى لنا التاريخ يا جهينه جبل ما لان=شمخ غرب الحرم بعيونك الثنتين تفدينه
هنا من حقي امجد سلايل مابها نقصان=عروش من ذهب تبنى جهينه هي سلاطينه
هلا باروع تفاصيل النسب والعرق والسيسان=هلا باهل الكرم والجود والفعل ومضامينه
هلا في مالك وموسى ومابه فرق بالاعيان =موسى عيني اليمنى ومالك ذيك هي عينه
هلا في عزوة ابن غنيم وربعه جدها مروان=هلا فايد هلا بسمير ومحيا وخيينه
وكاد اليوم كل القوم تعرف عقيب مع حسان=هلابك يا العطيه والحوافظ دوم لي زينه
هلابك يا حبيش ويا هلابك يا عنمه وسنان=هلابك يا كلبات ويا هلابك يا علاوينه
هلا في لابة اللي صاغ ببحور القصيد الحان=هلابك يا حجور البر والبحرين والمينه
هلا بعلاط مع نزى هلابك يا حمده ذبيان=تهلي فيك وترحب وموسى ذي موازينه
واببدي عزوة القاضي وقوفة مالك الفرسان=هلا بقضاتها وكشوشها دايم مزكيينه
هلابك يا بني مره هلابك يا العرف عمدان=هلا يا الحشكلي وياى الدبيسي في قوانينه
هلا ربيات وعنينات وحصينات مع هدبان=هلا يا المشعلي والميلبي مبطي مخاويينه
وهذي عزوة القاضي ولا ننساك يا الرجبان=واكيد أن الشظيفي والكتيني دائم يعينه
هلا في عزوتك يا القطر من مالك لكم شفقان =دروع الحمض يا عروة عداءكم سم ساقينه
هلابك يا بني كلب وبني عامر مع البذلان =هلابك يا رفاعه يا هلا بالزايدي وينه
هلا في عزوة الاشراف الاربع معهم النغران=تسمو في بني ابراهيم وحق الحلف مدينه
هلابك يا الجريسي والمشدق وافي الميزان =هلابك يا الشطيري يا هلا بحريب موفينه
وقبل اختمك يا حلف الشرف والحب والتحنان =نهلي في صراصرة السعد ماحن بناسينه
هلا في ذروة قضاعة سنام المجد والتبيان=عزاوي ترهب العادي وتنحر في شرايينه
والا من حقي ارحب بمن وافى من العربان=نقدم سلمنا فنجال بن وهيل مهدينه
هلا يا مرحبا باللي لفوا من ساير الاوطان=اخص الساحل الشرقي وايضا حائل الزينه
خوالك يا العريس انعم واكرم به نسب قد بان=عريب الجد خال وعم عروق الطيب جانينه
هلا في شمر الاسلم كبار صحون للضيفان=رواقٍ للعرب عهدا على انفسهم ومعطينه
هلا يا أهل اللحيسه والكرم والضيف والجيران=هلا بذباحة الحائل عليه التمر وسمينه
فوارس من وهب ومنيع وبعيسى جميع اخوان=والا من غيرهم خمسة زحولٍ للعداء شينه
الا يا ضاري البرغش يا اخو صلفه نهارٍ دان =ليا ثار الرمك شلفاه تطلب راحت يمينه
هلا سنجارة الجرباء على التمياط والتومان=وابن عزام ومحيثل وابن راضي وفى دينه
وابن وتيد والنبهان وابن قعيط وثنيان =طنايا ما كلت للزاد وسيف الحق مروينه
ولا ننساك يا عبده سناعيس الوفاء صدقان=والا شلون دار الحكم يا حائل تخبرينه
جعافرةٍ ترى منها الرشيد وساسها قحطان=هلابك يا سماء التاريخ ما حنا بمغدينه
هلابك يا سناعيس الشريم مدوخين الجان=وابن نهّير وهباس وابا الميخ قارينه
ولا ننسى خوال ابوك منها مجدد الايمان =تميم المجد والهامة وما حنا بخافينه
هلابك يا تميم العز والتاريخ والشيخان =وقد قال الاثر في وجه دجال البشر شينه
هلابك يا الصقيه اخص خوال الشايب اللي فان=عساه لجنة الفردوس من حوله رياحيينه
هلا بمطير وعتيبه هلا بسبيع والويلان =هلابك يا بلي وعداءك طول العام تذينه
هلا في حرب وايضا يام عرب والساس من كهلان=هلا بضيوفنا قحطان ولا ننساك يا مزينه
هلا بختامها للي حضر واسف على النسيان=على من لا ذكرت اسمه وحنا من محبينه