دوم اتّشكّى من حياة ٍ كئيبه...؟!

يا صاحبي خلي قليبك من الصلب = لا تنخدع تنقاد تدفع ضريبه

تدفع عذاب وثقل عيشه وثم كرب = دوم اتّشكّى من حياة ٍ كئيبه

باسباب حبٍ داخل القلب انصب = ملّى فؤادك ياصحيبي صبيبه

حبٍ بالاقوام واطي ومنسب = لانه يخلّف كل جروح عطيبه

حبٍ يريّحلك فؤادك من الجنب = من جنب ثاني دوم يرمي حطيبه

ناظر خويّك مبعدٍ وانت بالدرب =هذي حياته هو وحظه نصيبه

اللي بعد عن بحر معروف بالحب = وبقلبه ماشي لا حبيبي وحبيبه

عايش براحت بال ومريح القلب = بضمير صافي هم ريّح قليبه

هذي نصيحه بس لا تقوللي (شب) = اترك دروب الحب تحيا بطيبه

هذي دروبٍ مكسباتٍ لكل ذنب = هذي مصايب مجتمعن بمصيبه

هذي النصيحه يا صحيبي ومن قلب = العمر فاني والمنيه قريبه