شكوى فراق

اشتكي جرحٍ من أعماق الضماير =قام يكويني على ما يشتهي له

ما قدرته يوم زادن السعاير =واشتعل بالقلب وابطى يحتمي له

واشهد إني من عنا التفكير حاير =يوم طال الصبر للنفس العليله

يا وجودي وجد من عظمه كساير =طاح ما حصّل عوينٍ يشتكي له

ويا وجودي وجد من هلّ العباير =فاقد ربوعه له سنين طويله

ما نبي دنيا الشقا لو هي بشاير =دام فيها الخل ما يعرف خليله

اتوجد يوم صار الدم فاير =يوم جتني تعترفلي بالفشيله

قالت انساني وعجّل لا تخاير =قالت الفرقا تراه اقرب وسيله

واثره الحسّاد معمين البصاير =احرموها حب ما تلقى بديله

ادعج العينين فيه الحب ساير =من عرفته ما لقت عيني مثيله

وقتٍ اصبح يا عرب للحب جاير =شرّه أكثر من حسانيه القليله

واصبح القلب المعنّى للخساير =والهموم وعيشة الفرقا حصيله