رداً على مقدم برنامج شاعر المليون ( هادي المنصوري ) !!

سر يمنا لدبي يا مرحبا الساع=دبي تحفظ للبنادم وقاره
لا تنتظر يا خوي تحسين الأوضاع=ما أطولك ياليلن بعيدن نهاره
صارت مثل بدبي لا طاح بالقاع=حظ الصبي قالوا بصدق العباره
حظك سعودي؟ ويه ياقل الأسناع=لا فاد ربح ولا سلم من خساره
أية بدل ؟ هذي ثمن كيس نعناع=حتى رواتبكم بدل ( للطراره)

الشاعر الإماراتي / هادي المنصوري

بعد سمعت اللي على العالم يذاع=و النار تالع يا عرب من شراره
فكري معي عن منهج الحق ما ضاع=و أخذت أعبّر في صريح العباره
لن إختلاف الناس يكمن فالأوزاع=و كلٍ على الوازع يحدد مساره
يا هادي المنصوري إيش فيك منزاع=وشفيك قلي تحتقرنا حقاره
وش فيه قلبك يوم للمملكة زاع=و تقذف بقولك مثل قذف الحجاره
أنا سعودي و السعودي له أطباع=أمشي يمين الدرب و أترك يساره
في ظل أبو متعب ذرى كل ملواع=صقر العروبة يحفظ الله مداره
للمجد نبراسه و للدين تباع=و الله محقّق فالحياة إنتصاره
شجاع ما مثله على العالم شجاع=يسقي عدو الدين كاس المراره
و حنا بدار الدين من أرضها شاع=دين النبي ما هو بدين النصاره
الحق فيها حق منهج و مطلاع=الله مطهرها بحكمه طهاره
و للأرض حراثه و للزرع زراع=و اللي زرعته حان قطفة ثماره
الشعب ما هو فالبدلات طماع=يكفيه من هم حاكمين الأماره
و الحمد لله ما حنا بناس جياع=لن زادنا الإسلام ما هو تجاره
يشرى من الأسواق أو إنه يباع=أو نستعيره يا الضعيف إستعاره
لا تفتخر بدبي و دبي مضياع=يوم القيامة و ش تفيد الحضاره
و لا تحسب إن أبياتك إشهار و إبداع=هذه قذاره و إنت رمز القذاره
يا الله كافينا تصاريف الأشناع=يا من بيدك أمر العباد و قراره

أخوكم / ناصر بن ناجي الجهني