قــال المثل ياوقتـ مابكـ راحـهـ

من شان كل(ن) يحتزم بسلاحه=هاض الهجوس وطوع القافيه
هاجوس شاعر ماأشتهر بالساحه=ولا شال هم الساحه الشعبيه
قال المثل ياوقت مابك راحه=يلي تحاول تبرز الشخصيه
والماء تراه يكذب السباحه=هذا كلام الصدق والجديه
الحر ماينصاد بالمرداحه=يلي تجيد اللهجه العبريه
ومن طاح وسط العالم السفاحه=لايشتكي من ضربة الجنبيه
لا يخدعه وقته بكثر افراحه=ويضيع وسط احلام رومنسيه
لا يازعيم العالم المرتاحه=مايقارن الدولار في ربيه
والحزن فينا لوتشوف اجراحه=نضحك وكل جروحنا مخفيه
فينا الزمن ركز قوي أرماحه=ورافض بوضع الهدنه السلميه
مالمشكله في شيلة المسباحه=يبقى تعبها من نصيب ايديه
في خلطة الحنظل مع التفاحه=والطعم لامثله ولا هو زيه
ومن ياخذ الفكره بوضع أسياحه=ماطبق الكتمان والسريه
ويبقى العنا على قناة الساحه=ياعايش(ن) بالشمس جاتك فيه
والله يخفف هم شاط الراحه=من ماحصل للساحه الشعريه
من قوة الصدمات سره باحه=لو مادخل باوضاع لوجستيه
متى يقوم الحظ من مطياحه=ونشوف شيعه عودوا سنيه
منها السهم يبدا بجني أرباحه=ويرفع مؤشر بورصه دوليه
يامن جهل مضواه من مسراحه=لا لا تفكر قصتك منسيه
يامغتني من مهنة الفلاحه=من راس مال الغله الصيفيه
ياهيه غصنا في عميق الباحه=وأنته تعد أيامك العشريه
ماصدر الظامي من النشاحه=نشح الندى مايروي القمريه
والقافله ما همها النباحه=سارت بعزتها وطيب النيه
الباب والله في يدي مفتاحه=ومكسبك لاهذي ولا هاذيه
نور القمر أجلا الظلام وزاحه=ماعاد باقي حاجة(ن)مخفيه
العلم جاك وكان تبغا ايضاحه=خل السيوف تعادل الشبريه
من نظم شاعر ماأشتهر بالساحه=ولايعترف في مذهب الصوفيه