الــــســــنــــانـــــي
الزلامي مـرة شاعـر ومـرة مستشـار
لو كبير السنّ بعض الطـرق مـا تقبلـه
وإن نشدتـه قـال لعلهـا تشتـب نـار
جعلهـا فـي كـل ليلـة تفجّـر قنبلـة
الــــــــزلامـــــــــي
الزلامي يضرب الحـزم وايطيـر الغبـار
والسناني صار من مشكلة فـي مشكلـة
ياجماعة خير وش صار مدري ويش صار
البصل والثوم ريحه بثـوب اللـي كلـه
الــــســــنــــانـــــي
لا تغبّر والمثل قيـل مـا معـك اختيـار
الرجل ما يبحث الحاجـة اللـي تزعلـه
لا تبرّى وأنت واحد من الـروس الكبـار
ادخلوا في سلسلة واخرجوا من سلسلـة
الــــــــزلامـــــــــي
لا تولّعها ترى النار تالـع مـن شـرار
وانت ولد اجواد والشـر معروفـاً هلـه
البس البدلة وخلّك علـى بـاب المطـار
وان لقيت ابليس فتّـش علـوّه واسفلـه
الــــســــنــــانـــــي
طرقتي متبيّنـة كنّهـا شمـس النهـار
كل بيتاً ما يشـرّف ترانـي مـا ادخلـه
وانت خلّك يا الزلامي على مدخل شهـار
لا تجي إلا محتـزم والجيـوب امحمّلـة
@@ السناني والزلامي @@
@@ السناني والزلامي @@ 
النمط الخطي
