كل بنت بهدنيا تقول احب نصابه!!!

وخير وش صار اذا رحتي ودرب الكلب على القصاب..
مصيرك راجعه مع درب ودا غيرك وجابك

شنو يعني اذا رحتي من كذاب الى كذاب..
شنو يعني وغير الكاذبه الفين كذابه

على فكره ترى النصاب ما ينصب على النصاب..
وكل بنت بهدنيا تقول احب نصابه

انا ماني غشيم احط ايدي في جحر هالداب.
. وصعبه مرتين الدغ بهذا الجرح واندابه

مدام ان البشر من طين او خلنا نقول تراب..
انا من جيت للدنيا ادوس الطين وترابه

انا عايش على هالأرض ولا فيها حسبت حساب..
وربي ما انخلق لليوم شخص احسب حسابه

ولكن وآه يالكن وكل شي وله اسباب..
وانا حظي عطاني كف وكان العشق اسبابه

غلط مني عشقت وجيت اشيل من الضلوع احطاب..
مدام اللي كسرت صدري معها فاس وحطابه

سرقت من الوفاء مهره وطاحت وانكسر ركاب.
. وهم قالوا على ما قيل يعرف الخيل ركابه

وانا خيال ابن خيال وراس الخيل مني شاب..
على ظهر الاصايل ما تركت السيف بجرابه

ولكن الزمن خاين وانا ويا الزمن اصحاب..
. غدريبي وليه يغدر بي وكنت اعز اصحابه

يبني لقمة سهله على المخلاب والانياب.
. وقيل ان لم تكن ذيب بتاكل لحمك ذيابه

وانا مالي عشى للذيب انا اللي قد اكلت ذياب..
علي تشهد نجوم السماء والضلع ومرقابه

واذا كان الزمن مبسوط قبله ما فرحت اشناب..
ومن يطرق لباب الناس تطرق العرب بابه

انا ما جيت هي جتني.وقالت اعشقك باعجاب .
. وانا كلي فخر بالشعر وجمهوره واعجابه

وقامت تحكي وتحكي.وانا واقف بلا استعياب..
واراقب عينها وشفتها اللي حيل جذابه

وتسئلني واتمتم بالحكي مدري لساني ذاب .
. وحلقي ضاع وحنجرتي تخنق الصوت مرتابه

هي كانت بدايه الغلا للمظهر الجذاب..
خدعني شكلها رغم هالاشكال تتشابه

غلطت وجيت من اقصاي وخانتني بعذر غياب..
تقول اللي يغيب احاول اتسلى عن غيابه


شعار الحب هات وخذ وانا من ياخذ ولا جاب.
. بعكس العكس اخذ وهات اخاف اعطيه وابلابه

حسافه هالقصيده في غبيه مالها اعراب .
. وانا للشعر في عيني مكان يصعب اعرابه

امانه لا رحلت وصارت احروفي هنا اغراب..
ابي واحد يردد قصة العصفور والغابه