مايحكم على راع لجريمه......؟

ياوجودي كل ممسى الليل وشفت الهم جاني =
وجد من ذاق المهونه من بعد شيمه وقيمه
او وجود الفارس اللي طاح من فوق الحصاني =
الفرس قفت بسيفه والخصم وصله خصيمه
وياوجودي لاتذكرت اللي ابحبه بلاني =
اللي ابسيف الهجر علمني وش معنى الهزيمه
اللي لاجت عيني ابعينه تقل شي ايغشاني =
حاكمتني حكم مايحكم على راع الجريمه
والليالي مدرسه للي قضى عمره يعاني =
ساهراً منها اتعلم كل دقه بتعليمه
علمتني كيف امشي ساعتي ابليا ثواني =
وعلمتني ياعرب كسب العطايا من الحريمه
وعلمتني ان القناعه كنز في هذا الزماني =
يوم بعض الناس يطمع حتى في عيشة حريمه