ولابه شخص بمنطقتنا عنـد أبويـه .. ماأشتكانـي

عربيد وفيني ديـن ماهـو حيـل لكنـي .. أصلـي
وكنت فالمسجد أسوي مشكله مـع شخـص ثانـي


حتى الإمام أن جيت أصلـي يبتسـم ويلتفـت لـي
وأنا يعنني .. مطـوع ماأبتسـم مـن زود أيمانـي


مزعج لأبعد حـد .. ثوبـي أشتكـى منـي وظلـي
ولابه شخص بمنطقتنا عنـد أبويـه .. ماأشتكانـي


كان أبويـه دوم يـردد .. والله أنـي فيـك مبلـي
الله اللـي فيـك ياجابـر .. بـلانـي وأبتـلانـي


المدارس تحتفل فـي كـل عـام بيـوم .. فصلـي
عطله صارت بالبلد .. ويذكر أسمـي مـن نسانـي


وأنا طفل أجلـس وأقـوم ولاأحـد يجلـس محلـي
ومن جلس محلي .. ويله مـاأرى اللـي مايرانـي


المشاكـل جـزء منـي والمصايـب كـل كـلـي
وكل جسمي طعون .. ولاني من طعون الجسم أعاني


عدم مبالي وبمزاجـي .. لـو مايحصـل حصلـي
من بغى ينهـان يقفـي ومـن بغـى ينعـز جانـي



ماغزا معيـه مهنـا .. ولاخذيتـه صاحـب ٍ لـي
ولا غزيـت أنـا ومهنـا .. ولاخذيتـه ولاخذانـي


أطا .. راس اللي تعرضلي وأحطـه تحـت رجلـي
وياقرادة حـظ .. واحـد مايطيـع أصغـر خوانـي


ممتلي من المشاكـل بيـن ظلمـي وبيـن عدلـي
ولي بعد في عالـم .. العشـاق مخلـوق ٍ هوانـي


غـاده ويازيـن غـاده اللـي تناديـنـي يـادلـي
دلي ياحوبي يادلـي .. يابـو شامـه الأسمرانـي


الحيـا مامـن حيـا .. لوعيـن غـاده أغمزتلـي
أجلـس أهايـط عليهـا .. ياحياتـي وياحنـانـي


ولاأروح بغيـر .. عـذر أمـي تبانـي وطرشتلـي
أمشي وغاده تتصل بي حوبي شو معنى .. تبانـي


وأقول ياغـاده تبانـي .. يعنـي بدهيانـي تألـي
بس حنا هيـك .. نحكـي اللـي تبانـي بدهيانـي


عشت عمري بيـن طيـب وعربـده آخـذ وأخلـي
ماحسبت أحسـاب وقتـي ولاعـرق خـد ّالثوانـي


لو على وجه الليالي برقـع ٍ مبطـي أنكشـف لـي
ولو على راس الجبـال أعقـال يحـذف لانخانـي


ماحد ٍ له فضل عندي غير أبويه ومـن قـرب لـي
أو رفيـق ٍ أعتـزي بـه ويعتـزي بـي لابغانـي


وغيـر هـذا .. ماأوقـرّ حـيّ لوبيديـه أجـلـي
أبمزاجي تقلـط الدلـه .. وأقهـوي مـن نصانـي


كلهـا متساويـه وبكيفـي .. أرحــبّ وأهـلـي
والشعر .. بالوجه مالـه أي حسبـه فـي زمانـي


الشوارب واللحـا .. راحـت مـع وقـت ٍ مولـي
الشوارب واللحا .. صارت لأهـل كـاس وأغانـي


أبـو شنـب فالمراقـص ضايـع وراسـه متدلـي
وأبو لحيه .. شـوّه الأسـلام فـي هـدم المبانـي


ماأقـول الكـل طبعًـا .. لكـن أشويـه بخـلـي
مابي بعض الناس يزعـل .. أو تضيعّـه المعانـي


السفينـه مايلـه والـمـوج يلـعـب ومتعـلـي
يعرف الربـان فـي بطـن البحـر قـدر الموانـي


والضوامي تـارد البيـر أن بغـت تشـرب وتدلـي
والعتب علـى يميـن ٍ ماقـوت جرّانـي السوانـي


شاعر ولابي شهـاده .. وزنـي وقافـي شهدلـي
راضـع ٍ كـل الطـروق ونابـت الشعـر بلسانـي


ولو مـا هالقـرآن قلـت .. الأبجديـه ساجدتلـي
لكن أنا وكـل حـرف .. نسجـد لـرب ٍ عطانـي

ومن بغـى ينقـد ويكتـب يلتفـت لنفسـه قبلـي
والله أنـي مـاأرد .. المعجـزه لـلـي هجـانـي


مغرور متغطـرس وكـل بيوتـي هـذي تعترفلـي
فيه فرق بين ضربـات العصـا .. وحـد السنانـي


وهالقصيده زادت بيـت ويعلـم الله هـي أكتبتلـي
أنا مملوكـه لجابـر هايـف يشهـد مـن قرانـي