يا ذيـب يالـى ّ فـي ليالينـا عـاوى

يا ذيـب يالـى ّ فـي ليالينـا عـاوى=اللـى شقانـا صوّتـه لمـا ايعويّـبـه
أليا شعـر فـي جوعـه ايغّيـر نـاوى=يم السمـان اللـى شحمهـا ضّرّيبـه
يفرس هذيك اللى شحمهـا يسـاوى=الطرقـة اللـى فـي ذراهـا قنيّـبـه
وأليا شبع سـج الرّجـل فالخطـاوى=يسابـق هبايـب السمـوم الشهيّبـه
من بعدها يبقـي حديـث الحكـاوى=كم واحد-ن سولـف بفعلـه حكيّبـه
يحكيهـا راوى لـمـا ينقلـهـا راوى=تتناقـل اخبـاره محـد مـا دريّـبـه
اسمـه وفعلـه للمـراجـل مـخـاوي=حاضر وكلـن فالزمـن لـه نصيّبـه
كم واحد-ن مثلـه بفعلـه مسـاوى=ينهـج مناهـج الفعـول الصعيّـبـه
المرجلـه مـا حافهـا منهـو غـاوى=اللـى علومـه كلبـوهـا غرّيـبـه
ازريت اعدّل منهـو للمّيـل هـاوى=اللـى دروبـه فـي زمانـه مخيّـبـه
العله هـذى مـا لهـا مّـن مـداوى=حتـى دواهـا جاهلـن بـه طبيّـبـه
مـا دام حنـا فـي زمـان البـلاوى=صعـب-ن نعالـج الجـروح العطيّبـه
اسهـر افّكـر فالزمـان الشـقـاوى=اللى غـدا مـا بيـن شكـه وريّبـه
ساهر اراقب كـل نجـم-ن سمـاوى=لمـا تـوارى وابتعـد فــي مغيّـبـه
وما عاد لـى غيـر الأمـل والمنـاوى=في ظل وقت-ن جاهل-ن وش مصيّبه !!