ترا اللسان أحيان ينكب لـه أنسـان !!!!

ترا اللسان أحيان ينكب لـه أنسـان = وكم واحدٍ جت نكبتـه مـن لسانـه

وترا اللسان احيـان يكـون ثعبـان = لـه لدغـةٍ خطـره وفيهـا عفانـه

وترا اللسان حصان يبغالـه إعنـان = ويـورط اللـي مايـجـود عنـانـه

ويحتاج له في كل الاوقـات ميـزان = ميـزان عـدلٍ ولاتجيـه الخيـانـه

ميزان عدلٍ معتـدل كـل الاحيـان = وكـل الجـوارح تعتبـر كالأمانـه

وكـم لسـانٍ زل راعيـه وانـهـان = وقال المثـل كـلٍ لسانـه حصانـه

ومن يستمع لفـلان ويصـدق فـلان = تلقـاه دايـم متعـبٍ فـي زمـانـه

والهرج يرضي احيان ويزعل احيان = ويحتاج لـه حكمـه ومعهـا فطانـه

وياشين هـرجٍ مايجـي فيـه ثبتـان = ويازين هـرجٍ ينوجـد فـي مكانـه

وياشينهـا لاقالـو فـلان غلـطـان = ويازين مـن جـود لسانـه وصانـه

والهرج يحصل فيـه زودٍ ونقصـان = ولاخير فـي هـرجٍ قليـلٍ احسانـه

والصدق يطلع لـه حقيقـه وبرهـان = وكلٍ يبيـن وينعـرف ويـش كيانـه

ويعرف مجال الصدق من غير عنوان = والكذب يعرف فـي مجالـه جبانـه

ودايم مجال الكـذب راعيـه جابـان = مثل الحصينـي ميـر عنـده ذهانـه

دايم طويل لسان ولايقضـي الشـان = يـدرج لسانـه كنـه الاسطـوانـه

وتلقاه في كـل المواضيـع خسـران = وليـا نصحتـه زاد فـي عنفـوانـه

مافيه طيرٍ طار مـن غيـر جنحـان = وليا انكسـر حـدا الجناحيـن خانـه

والرابح اللي منهجه ركن الاحسـان = الصادق اللي منهـج الصـدق شانـه