بعدك عن اللـي مايعـزك معـزه قصيدة ومجاراتها ...

بعدك عن اللـي مايعـزك معـزه = وصدك عن اللي يعتنيبك رداء منك

اللـي يعـزك لازم انـك تعـزه = وتعلن معه طول الليالي تضامنـك

وأن كان في لازمك عجلٍ مفـزه = أكبر خطيه في لزومـه تهاونـك

الصاحب اللي صحبته بـس رزه = مثل العدو اللي قبل ساكتٍ عنك

وأهل النفوس اللي قبل مشمئـزه = أبعد ضعنهم لايقـرب ضعاينـك

وللهرج حزاتٍ وللصمت حـزه = ومن لايعرفك معرفـه مايثمنـك

وأن كان عينك كل دربٍ تقـزه = أعرف ترى غيرك عيونه تعاينـك

جاريت قاف الهاملـي يـوم قـزه = ياسعود طاب القاف من طيب معدنك

ياسعود كانك شفت في الوقت هـزه = لازم تشوف اللي مع أيمنك ويسـرك

والفرق واضـح بيـن قلـه ونـزه = وعقلك بعد تمكيـن ربـي يمكنـك

ومـوزع الارزاق ربــي مـنـزه = احدٍ سكن بقصور واحدٍ سكن زنك

وأطيبهـم اللـي شيمتـه مستـأزه = هو الرصيد للملاييـن فـي البنـك

وعشق مع أهل الطيب لك فيه عـزه = والا الـردي بالشيـن لازم يلونـك

وتغانـم الأرزاق والـرزق فــزه = وكثر التمـادي للهدف مايمكنـك

والصاحـب اللـي كلمتيـنٍ تهـزه = وقت الشدايد مستحيـلٍ يعاونـك

وترى الضعيف أبليس دايـم يـوزه = ومقابلك بصدود يجلب لك التنـك

والناس واجد وانـت عينـك تنـزه = دور رفيـقٍ يرفقعـك مايطمـنـك