شفت القمر

انا عايش بعالم غير لا عارف ولا معروف
...........................ادور من يدورني واطنش من يطنشني
يهز القلب زلزال الغلا وتمر فيه ظروف
........................... احاول حل يقنعني وهم الروح مبلشني
يدور الوقت والدنيا تضيق بنظرة الملهوف
......................... واعالج وقفة احوالي وادور شي ينعشني
افكر بالهنا وادري كتب ربي علي اشوف
........................جميع الناس تفرح والفرح لا جا يعطّشني
زماني ما رضى لي والنصيب وحطني موقوف
......................يقول اجلس بسجن الهم لا تطلع وتدوشني
امانه ياعيوني من هو اللي ينكر المعروف
.................... انا والا البخت لاصد عني من يعايشني
دخيلك ياهنا وقف تراي بسكتك مكتوف
.....................ابيع الروح لاجل ارضاك لكن لا تهمشني
كسرت بخاطري شفت القمر بالليل جاه خسوف
.................... رحل عني هوى بالي وهو للموت فارشني
اسولف له وظالمني وانا لعبي على المكشوف
................... ويضحك!! قال يعني عارفن قصدي وكافشني