مـن يـوم ماتـت امهّا.ماتبيِـهـا

اترك كلامي عنك.يفرح بالاعـذار
ماكنـت افكّـر شوّفتي.ماتبيهـا

ادفع ثمـن ظلّمك.قـدام الانظـار
لوشاطي الاعذار.ترسـي عليهـا

لابـد تنّدم.ياتذكّـرة مـاصـار
وتعـرف مـن الغلطان.يامبتديهـا

ماتشّره الفرقا.على رمـح الانكـار
وسيـف المحبـه والغلا.يحتريـهـا

يكفيك منّي هاجسٍ. يلّعب الطـار
ويكفيك منّي.عشّقتي مـن يجيهـا

ياصويحبي.وش يجمع الثلـج للنـار
مع صورة اللي باعهّـا ويشتريهـا

لوغرّد القمري.ولوبالسمـا طـار
راع العـلـوم الوافيه.مانسيـهـا

كانت تمنّـى قربها.لبـن الاحـرار
وكنت اتمنّى.بـس لمسـة ايديهـا

وانا احمد اللي جابهـا قبـل تحتـار
واصبح على ماقيل منهـا وفيهـا

خل الظروف.اللي على الكيف تختار
دونك مراجيـح الزمـن مهتويهـا

والحظه اللي.همهّا ضيف الاسـرار
وش عاد لو كل الفـرح يحتويهـا

فرحه يتيمه.حلّمها ظيـم واعـذار
مـن يـوم ماتـت امهّا.ماتبيِـهـا