الشاعر:: سلمان ابن منيع العلوني

عن ناظرى غايب و فى القلب ما غاب

حاضر وغايب وسـط قلبـى مسافـر

يا حب لو ما اخاف تجرحك الاهـداب

لاهديك قصر وسـط سـود النواظـر

بعض العرب ينشاف بعيـون الالبـاب

والبعض ماينشاف لـو كـان حاضـر

من بعد ما الايـام راحـت بالاحبـاب

معاد لى فـى الكـون شـفً وخاطـر

لو كـل مـا حولـى جميـل وجـذاب

فى روضة الازهـار والجـو ماطـر

دونه ما شوف بدنيتـى جـو خـلاب

ما يبـرى الاحـزان حلـو المناظـر

كل ما حاولت اكتب على قاف الاطراب

يطلع حزين القاف لـو كـان عاطـر

دون السعـادة قفلـو كـل الابــواب

عزاى شعـرى لـك ببيـض الدفاتـر

مانى غريب وداخلى شوق الاغـراب

ولانى مريض وحالـى كلـه مخاطـر