## شايـــــــــــــــب ##

الله على وقتٍ تشوف العجب فيه=لكن لقيت بدنيتي شي بلوى
شايب على التسعين بالعمر تعطيه=جالس على شبة دلال يتقهوى
يقطر ونين بزود والهم غازيه=حتى على المجلاس ماعاد يقوى
شارد بتفكيره مايوحي مناديه=ويقول نبغى الموت ماعاد تسوى
كلمته ابغى افزع عسى خير وش فيه=قال الحقيقه صرت انا احب وهوى
مثلي بوسط القبرمبطي ونبكيه=واللي مضلي بالحياة يتعزوى
اللي رماني بالسهم كيف ناتيه=دونه حياه وموت ويدين تلوى
عيني تشوفه ثم تتبع خطاويه=والقلب يمه دون تفكير خوى
ماعدني حاجه ولاني بمشقيه=ولا يدري بحالي ولا ويش سوى
تركت ذاك العود والحب معميه=يشرب من الفنجال ماظن يروى