ماكأني من جهينه وهي واهلها من جهينه....؟

يازماني وش بقالي فيك قلي وش بقالي =
مابقى يالنفس شئ ان ماربحتي تخسرينه
بعد فرقى الزين مدري وش بقالي ماجرالي =
وش بقى للنفس من يوم ابعدوا عنه ظنينه
الله من افراقها عزاه ياعزي الحالي =
اشهد انها كان راحت انها راحت غبينه
كني اللي طايحاً عطب المطاح ابر خالي =
وان تنهض من جروحه رد للبيدأ ابونينه
وكني اللي ينتخي لاله عموم ولا خوالي =
انوخذ كل الحلال ولا لقى عزوة تعينه
وكني اللي عن دياره ناوياً شد الرحالي =
عقب ماهو شيخ قومه قفى عنهم طاردينه
وكني ذيباً كان يرقب فوق عاليات المفالي =
وانكسر من فخ رعيان الغنم له ناصبينه
وكني اللي له قدر مع جاه من كثر الحلالي =
وعقب فقره حتى قرب اخوانه اقفوا كارهينه
وكني اللي من قبيله فعلهم شين الفعالي =
ماكأني من جهينه وهي واهلها من جهينه
اردى واحد فينا ريفاً للمقاوا بالمحالي =
لانذل ولانهاب وكل شياً عارفينه
نفرق الجمع الغزير ونحتمي من جانا جالي =
والعدو يقفي امهزوم وشايف الذله بعينه
ندعس احياض المنايا وكل شياً له مجالي =
وعن هواها لا مجال ولا دروب ولا مدينه
العقل مايبيحلي فعل الحرام من الحلالي =
ولا والله لاصله غصباً عن اللي مبعدينه
اصله غصباً عليكم يالجنوب ويالشمالي =
واللي ربي امحلله منتم علي امحرمينه
كنها عليأ وانا كني ابو زيد الهلالي =
والهوأ جبار بلوى مير ربعي ظالمينه