انســـــان عــــــــــادي

حاولت أكون انسان عادي ولافاد = ضاقت بي الدنيا وزادت عنادي
عناد يا حظ الشقا دوم بعناد = يكفي همومي لا تزود نكادي
كل ما نتهى ميعاد حصلت ميعاد = بهموم غبرا معتريها السوادي
حاولت في شتى الطرق عازم(ن) جاد = واردد الأمثال كبوة جوادي
امسك طرف خيط الأمل واثق(ن) شاد = زانت لي الأحوال والجو هادي
شديت بالخطوه وقربت للماد = وسمعت صوت اللي عليّه ينادي
يقول ارجع لا تكمل ولا عاد = تمشي الطريق اليوم لاوين غادي
وقفت افكر صاحب الصوت وش راد = وش صار بس إني وقفت الوكادي
رجعت ويش السالفه يابن الأجواد = هذا طريقي والأمل فيه بادي
فجأه تغير كل ما حولي وساد = جواً ظلام بشدته غير عادي
طلعت في قمت جبل طحت في واد = وطلعت في قمة ولاني بوادي
وأقول وين الدرب مافيه نشاد = ما غير صوت مصافقي بالايادي
وشفت الأمل يصرخ وهو مقفي(ن)صاد = لا تنتظرني عيش وأعلن حدادي
هذا انت حظي جالس(ن) لي بمرصاد = مات الأمل وأقول كبوة جوادي