. ياسينما.. ياتمثليات.. يافلام

موتي قهر ياللي عليك الدهر حام . اللي حسابك من حساب التوالـي



.


. موتي من الغبنه على كف الاوهام . تحلمي بي فـي ظـلام الليالـي



.

. الله يعينك ( يا ) على عض الابهام . والله يسمّح سجتـي وارتحالـي



.


. ياحلام بعد احلام ياحلام فاحلام . ياخاليـه ياصغـر تفاكيـر خالـي



.


. ياسينما.. ياتمثليات.. يافلام . ياشعوذه .. يا . يا. يـا . ياهملالـي



.


. ياضحكة الاقزام في جو الاقـزام . يانيّـة الاقشـر اذا صـار سالـي



.


. ياعوَج مسالك. ياشخابيط الا قلام . ياطلسمة يا اظلم طلاسم ضلالـي



.


. ياغافله فايام عن غيب الايام . طلي على الساعـة بوَقـت الزوالـي



.


. اللي بقى قدام . قدام . قدام . واللـي مضـى زاد السنيـن الخوالـي



.


. شوفي مدى الادراك ياخوخة الشام . دامك على جـم ٍ قـراح ٍ زلالـي



.


. والا ترا الشرهه على سود الاعلام . اللي يلاعبها الهوا في العلاالـي



.


. يبهر عيونك بيرق الخام ياخام . وانتي صغيـرة سـن .. واعزتالـي



.


. ياروح ما به روح في كل الاصنام . لو غرّتك الاصنام زيف وخيالـي



.


. العام هذا عام واللوح لو عام . يصبح رهين الما علـى كـل جالـي



.


. هذا كلامي وانت كيفك وما دام . عصيتني . شفني بـروس الجبالـي



.


. شيخ ٍ وقفت وسقت ضدي للاعدام . ارعى شؤونـي واتفقّـد حلالـي



.


. مسلم واحارب من يبي حرب الاسلام . واقول ربي فوق والراس عالي



.


. عندي على الحجه مقاليد واحرام . حرص ٍ على الساني جوابي سؤالي



.


. ما اغط حق اهل الحقايق والايتام . جريء في قول الصحيح ارتجالي



.


. زعيم لي في اللين خادم وخدّام . وقت الشدايد مثل برق ٍ شمالـي



.


. ما اقابل النمّه مع كل نمـام . اشـوم شـوم وشيمتـي راس مالـي



.


. وابوي حرصني على طول ما انام . اصير مثل الذيب واصيـد غالـي



.


. ويقول لو ضاقت بلد سرّ الاقدام . والخالق الوالي علـى كـل والـي



.


. هذا انا ياللي رضيتي بالازلام . ياللي وطيتـي كـل جـرف ٍ هيالـي



.


. هذا انا أليعربـي ابـن الاكـرام . اليعربـي أللـي عمامـي خوالـي



.


. وانتي وش انتي ؟ يافخامه وهندام . جرّة ثعل تذري عليها الرمالـي



.


. انتي نتيجة ذنب في وقت الانعام . وانتي مجرد ثوب عـاري وبالـي



.


. انتي مكينة جلد واعروق واعظام . ياصنعة المكيـاج يانسـان آلـي



.


. ياللي عرفتوني عزيزين واحشام . قولوا لمن ضاقت علي لااا أبالـي



.


. انا اعتبرها دامها خبث واجرام . اكرمكـم الله مـا تسـاوي نعالـي



.


. واقول يانتي ياتواقيع واختام . طسي عسا مالك مـع النـاس تالـي



.


. موتي قهر ياللي عليك الدهر حام . فقاعة الصابـون مالـك ومالـي