رسالة عشق

رسالة عشق لك مني وليت ايديك تحفظها
مع اوراق الزمن يمكن يجي يوم وتفقدني

تقفي الدنيا من وجهك وتتغير ملامحها
ويضيق العالم بعينك وتقول الوقت عاندني

وتلفك موجة الاحزان وتشدك يم دنيتها
ويغطي عالمك حزنك وتقول من يساعدني

اخاف الدنيا لا جارت اكون اللي مفارقها
ولا تلقى من يوقف ضد الوقت وينجيني

اخاف الزمن يقسى ومشاعر قلبك اعرفها
تثور بدمعة الاحزان اعرفك لا تعلمني

انا ما اقول لك خافي ولكني اقدرها
انا ما ابغى يجيك اللي جاني منها واتعبني

حياة كلها الااام ولكن غصب تجمعنا وتفرقنا
ترى احزانك احزاني واذا لفتك لفتنـــي

وانا مالي سوى دمعه ورساله كنت كاتبها
ليوم الدنيا تفرقنا غصب عنك وغصب عني

هالابيات افهم شيء مخفي في دواخلها
اذا ضاقت بك الدنيا وانا حي تذكرنـــــــي