ياكاذبين الكذب راس المصيبة

ياكاذبين الكذب راس المصيبة=الكذب عمره للفتى ما يـثـيبي
الله يجازي راعي الكذب خيبه=ويفلس من أعماله ردي النصيبي
يفلس من أعماله بـصغره وشيبه =ويجزاه رب(ن) للاوادم حسيبي
أول حياته راح كل(ن) حريبه = مكروه كأنه في الجماعه غريبي
ويوم أنتصف عمره وقرب مشيبه= قاموا يسبونه بـ كذب(ن) وغيبي
ماله عيال ولاحلال(ن) يثيبه = مديون والديان جا له طليبي
وحطوه في سجن(ن) حديد(ن) قضيبه =وأخذ ثمان سنين خلف القضيبي
وقامت تسارع به سريع(ن) نحيبه = وجاه العمى فـ العين ماله طبيبي
هذا جزا اللي يلحق الناس غيبه = اللي يحذف وحذفته ما تصيبي
مثل الذي حذفه يوقع بجيبه = لا شك ما يدري خطات الحضيبي
وغريب يا دنيا علينا غريبه = الحر فيها فار والبس ذيبي