شماليه هبايبنا في حايل يسكن الوجدان!

أمانه يا العيون اللي أحس إبها غضب بركان
رجاءً غيّر النظره ترى تجنيني عنادي




أنا ماني على خبرك .. تراضيني بحـلو لسان !
أنا عودي غدى صلبٍ لو تجيني فـ أعيادي





سلامة حبي العفوي أنا بدفنه فـ النسيان
أحبك إيه أنا آسف .. صراحه إنته البادي





من اللي شك في حبي ؟من اللي بدّل الألون؟
من اللي سوّد الدنيا ؟ من اللي طير رقادي؟




تجيني بعد هذا ليه ..؟ تريد ترجع اللي كان!؟
محال إسمعني ياهذا .. أنا مابدل بلادي




أعشق البحر والشاطي .. ألا ياشاطي التحنان
ولي في قلبي أحبابٍ هم الشرب وهم الزادي




أنا حبيت من قبلك .. وبعت العمر لجل انسان
صحيح الوقت فرقنا .. ولكن يبقى ميـلادي




ولا تفكر تجي ربعه .. لو اتجملت بالألحان
طواه الوقت في عمري قديم الوقت وجدادي




إذا مو عاااجبك قولي .. بكيفك بلّط الصّمان
أنا مخطيت في حقك أنا جيتك على الهادي




وقلت بنظرتك هذي تراك تغيّر العنوان
أنا ماني مثل غيري .. أنا ماحب جلادي




ثقالة دمك البايخ فـ مزحك زعزع الأركان
وألفاظك تجي صلبه .. كأنك عايش بوادي




ياعمي روّح فـ حالك شنو يعني من آل فلان !!
وربي ما تشرفهم .. هم احسن منك إمدادي




شماليه هبايبنا في حايل يسكن الوجدان
وفي هالجوف لي خلٍ يحب يشوف اجهادي




بشر أخلاقهم روعه .. عليهم تشهد العربان
بني شمر شهد حايل يطيب الذكر إخلادي




وسط جوف ووسط قلب ووسط عين ووسط شريان
لهم فـ الطيب ساس الطيب ، لهم في العز أمجادي




مهم مثلك حبيبي رووح .. مهو من طبعهم نكران
عطيتك فوق طاقاتي .. ولا في مدتي فادي




أنا آسف على جملة قبل لاقولها تنهان
أنا ماعندي لك وقتٍ ولا بفضى لك وكادي




تأكد لو على موتي مجي أطرّ منك إحسان
ويومٍ فيه فارقتك ترى مازعزع اعمادي




تراجع ياعديم عديم الذات .. لاتطرق على البيبان
ترى تسمع جوابي زين بعد تنغيمة الشادي




وأمانه غيّر النظره .. مهي قدك ترى يافلان
نصيحه لاتزودها ترى اجننك فـ عنادي