قـــــــصـــيـــدة ؛؛؛ الـــــشــيـــــب ...

الشيب شفته في المرايـه وصديـت = ماكنت أصـدق إن ذا الشيـب فيـه
أثر الزمن يطـوي رحالـه ووليـت = وراحت سنين العمـر وش هالبقيـه
من بعد شفت الشيب في الرأس حنيت = حنيـت لسنينـا" تـوالـت علـيـه
سنيـن ذقنـا الـمـر فيهاتجنـيـت = وياكـم تكبدنـا صـنـوف البلـيـه
وذقت الحلا في بعض منها وتهنيـت = مرت علـي مـر الصبـح والعشيـه
وسنين ياكم تهـت فيهـا وتماديـت = مـا بيـن سـب وظلـم وإلاّ قفيـه
ويآكم تحملـت المعاصـي وجريـت = جريتهاومـثـيـل جرالـمـطـيـه
وسعيت في الدنيا وكم صبت وأخطيت = والّي مضى عالناس يمضـي عليـه
ودارت بي الدنيـا ولا يـوم ونيـت = وقضّيتهـا مابيـن شمسـا" وفـيـه
يامرحبآ يالشيب مـن يـوم حليـت = تظهر علـى نفسـي أمـورا" غبيـه
يالشيب ما خوفت قلبـي ولا أحديـت = إلا مـواريـد بتـقـبـل جـلـيـه
أنت النذير الي علـى البـاب طليـت = ووصلت حدّ البـاب وش عـاد ليـه
ماعاد لي إلا التوبه إن كان أزكيـت = وسألت أنـا المولـى ورب البريـه
وقلت توبـي يانفـس قبـل ياليـت = ماعـاد ينفـع ليـت وقـت المنيـه
صومي وصلي ثم حجي إلـى البيـت = وروحي إلى طيبـه ومسجـد نبيـه
وتزودي بالخير من بعـد ماأشقيـت = نفسا"تعـانـدنـي ونفسا"عـطـيـه
وإن عشت يانفسي من الخير جّنيـت = جّنيت لـي مجنـى الثمـار الهنيـه
يـا رب تغفـر زلتـي يـوم زليـت = وإنـك تجنبنـي الزلـل والخطـيـه
وعلى الرسول أزكى سلام وصليـت = إعـداد مـا هلـت مـزون النشيـه