محمد السناني و شبيب الزراقي .. في ملتقى مزاين عتيبه

هلا يا مرحبا في محل اهل المواجيـب=
محل اعتبيه اللي لهـم قـدر ومهابـه


رجال جامعين الوفاء والعز والطيـب=
يشرفني ليـا قمـت عنهـم بالنيابـه

بقيتـو يالنشامـا مكثـرة التراحيـب=

وبيت الجود والطيب ما ينصـك بابـه


ليا قدمت ما فيك لا شـك ولا ريـب=


عساها قطرة الغيث تنزل من سحابـه

من اول يالسناني تود العلـم وتجيـب=

تجيب اعلوم خنذف توصلهـا شبابـه


انا في موقف العز من ظمن المعازيب=


ورجل ما يجي ذيـب تاكلـه الذيابـه

انا مؤمن بمن يعلم الاسرار و الغيـب=

وعندي علم سنـة محمـد والصحابـه


هذا الميقاف ماقفك لا تذرى العواقيـب=

ليا كثرو هل الزود والاسمـى تشابـه

تراها ديننا مـا لنـا عنهـا مواجيـب=

تعلمنـا عليهـا القرايـه والكتـابـه

وقفنا دونهـا بالسيـوف والمشاعيـب=

وجمعنـا الرفاقـه وشتتنـا العصابـه

وش اللي جبت قدام لا يطلع بك الشيب؟=

تبي ترجي عقاب الولـي والا ثوابـه


وقفت دونها والعلوم اتصيب وتخيـب=

واظن النمر ياكل على ضرسه ونابـه!

منقول للكاتب : حاتم الزايدي

تقبلوا تحياتي