معلقه..أروع ماقيل بالحكم والأمثال .....

يقـول مـن سـوى حسيـن الجيـل = ومسـنـع ٍ مـعـنـاه لايـمـيـل

يقول مـن زيـن المثايـل طرايـف = فيهـن ألذربيـن الـرجـال دلـيـل

والإهبيـل القلـب مايسمـع النـدا. = ماينـفـع التـعـلـوم بالهـبـيـل

ياسامع قولـي تـرى بـه نصيحـه = الإ إن كـان أنـه علـيـك ثقـيـل

ترى المرجله حمل(ن) تشيله لحالـك = والإ السفـاه أبليـس عنـك يشيـل

يرقص قدم وجهـك ويمـدح فعلـك = ويعـاونـك ياخيـبـة الـزمـيـل

لعين(ن) يوصلـك المهالـك وينثنـي = وتقعـد بمظمـأ مامعـك صمـيـل

من طاع شور بليس والنفس والهوى = عاف النهار وحـب مسـرى الليـل

يارجل أبـا أوصيـك منـي وصيـة = وأحـرص علـى حفظانهـا بالحيـل

من لايحـوش بـأول العمـر طولـه = تالـي شبابـه صـعـب التبـديـل

من فـات عمـره مامـدح بافعالـه = قعـد بـوسـط الطيبـيـن رزيــل

أول فعـول الخيـر درب الطـاعـة = ليـا خضـعـت لخالـقـك تسـيـل

نور بوجهـك وأندفـاع(ن) باجلـك = ويمشـي أرزاقـك بــلا تعطـيـل

ترى راعي الطاعـة رفيـع جاهـه = يصيـر بعيـون الـرجـال جلـيـل

الدين دين القلـب وإصـلاح العمـل = وكف اللغى مـن كثـر قـال وقيـل

والنيـه الزينـه تراهـا تظـهـرك = من اّمـن بربـه صـار لـه كفيـل

أوصيـك برضـى والدينـك وصيـة = والـدك لايمسـي علـيـك غلـيـل

تـراك لـو تـدري بحبـك عـنـده = ماصـرت لـه بالمعصيـات جبيـل

والوالدة مخصـوص عظـم قدرهـا = شيالـتـك بالبـطـن والشـلـيـل

تسعة شهـور تنقلـك فـي جوفهـا = وعاميـن ترضعـك الحليـب طفيـل

إذا أخـذت يـوم مونـس ماترضـع = غـد ا عليـك أعبـارهـا همـيـل

عافت لذيـذ النـوم والـزاد عافتـه = وتشاغـلـن أفكـارهـا تشـغـيـل

ياقـرد حـظ اللـي يعـق الـوالـد = هـذاك وسـط النـار لـه مقـيـل

تـرى حقـوق الوالديـن كثـيـرة = لاشـك أنـا أمثـل لـكـم تمثـيـل

وأنـا بديـهـي ولانــي عـالـم = لاشـك أعـرف مـن الكثيـر قليـل

أيضـاّّ وبيـن فـي كـلام(ن) ثانـي = كـلام يحـلـي عتـمـة التعلـيـل

إذا صـار بيـن الجالسيـن مباحثـه = وتسائلـوا مـن بينـهـم تسئـيـل

إذا قايسـوا لفـلان وفـلان وزنهـم = معلـوم مـاهـذا لــذاك عـديـل

أحـد أذا مـنـه حـكـم بفعـولـه = مـا للـردى فـي ماقفـه تدخـيـل

مثل القمر فعلـه وهـو قـروا لـه = مالـه لقبسـات النـجـوم مثـيـل

واحـد إذا شافـوا فتايـش علومـه = قالـوا عسـى أم(ن) جابتـه تحيـل

حـي علـى الرملـه ومـيـت ودره = و أظـن كيـده صـار فـي تظليـل

دروب المراجـل يتعـبـن كثـيـرة = فيـهـا دروب معـجـزات تهـيـل

المرجلـه فـي كـل فعـل طـيـب = فعـل يصيـر لصاحـبـه قنـديـل

أشر الحيا والعقـل والحـق أمشـه = وعلـى حقـوق الـنـاس لاتعـيـل

من داس قدر الناس داسـوا كرامتـه = يجـيـه سـبـع نكـلـه تنكـيـل

بعض الرجال إذا حضر فـي مجلـس = جالـه بوسـط الصامتيـن صهيـل

ماهو صهيل حصان من زود السطـر = صهيـل عـيـر شـايـل جلـيـل

متهـزي بالنـاس وهـو الـهـزوه = ولايختشـي مـن خبقـه الزبـيـل

لو تنصحـه مايعتبـر فـي كلامـك = فيـه الهـبـال مخـيـم ومحـيـل

وبعض الرجال إذا حضر فـزوا لـه = شوفـه شـرف ومشاهـده جمـيـل

إذا نشدتـه جـاك زيـن أعجـوبـه = مثـل الحليـب مقنّـد ٍ ٍ فـي هيـل

وان مانشـد خـلا كلامـه عـنـده = ولا يعتـرض للنـاس فـي سبـيـل

قصـر لسانـه مـن شكالـة رأسـه = والأ بــدرب المرجـلـه حلحـيـل

وترى كبيـر النفـس تكـره طينتـه = مـرد راعـي الكـبـر للتسفـيـل

إذا حصـل ثـور كبـيـر رأســه = يشـيـل كـبـر ولا وراه حصـيـل

إذا قعـد وسـط الرجـال مزلـغـم = وهرجـه يرتـل هرجتـه ترتـيـل

يغتـر فيـه الأجنبـي وأن شـافـه = واللـي يعرفونـه تــراه دحـيـل

ينوي مناوي الحـر وهـو البومـه = يبي يصيـر الـرأس وهـو الذيـل

الكـبـر لله واحـــد سبـحـانـه = معطـي العطايـا البـاري الجزيـل

ترى الكذب عذروب الرجال وعارهـم = راعيـه لايجـزع مــن التفشـيـل

شاهـد علـى شـئ وهـو ماشافـه = ومصـور هـرج وهــو ماقـيـل

هـذاك بالدنـيـا كبـيـر عــاره = وبالأخـرة فـي حامـي المللـيـل

راعـي الظليمـة ماتسـرك حـالـه = حتـى الشفاعـة عـنـه تستقـيـل

واللـي قتـل نفـس بغيـر السنـه = تــراه يـاقـع مثلـهـا قـتـيـل

وإن طال عمره مـن قـرادة حظـه = حسابـه قـدم ماينـفـع التمهـيـل

قدمـه كـتـاب مايـغـر ويـوهـم = محصـل كـل العـمـل تحصـيـل

يـوم الحشـر كـل يفـر كتـابـه = ومشكـل مافـعـل بــه تشكـيـل

أحد كتابـه فـي سقـر يرمـي بـه = و أحد علـى الجنـة معـه تحويـل

والله إذا مـنـه نــواك برحـمـه = نـزل علـيـك أسبابـهـا تنـزيـل

خـلاك فـي دنيـاك عبـد صـالـح = من رحمتـه مضفـي عليـك شليـل

إذا من ربك عـاد لـك فـي نعمـه = وأنعـم عليـك بـمـده الفضـيـل

أحرص من الطغيان وأحفـظ مالـك = وعلـى اللـوازم لاتصيـر بخـيـل

أظهـر زكـاة المـال وأدّ حقـوقـه = أعـط الضعيـف وجنـب التسبيـل

وترى العطا من غير حاجـة ضايـع = مثـل دفـق مـاء بالتـراب يسيـل

إذا صار معـروف الأثنيـن مماطـل = حـيـال والأ لــك وراه شغـيـل

لايربح الطالب ولا أجر لمـن عطـى = بالبطـل مابيـن الأثنيـن عـزيـل

ياراعـي النعمـه تحـمـد ربــك = لا تحسـب أن اليـسـر مستطـيـل

لا تأمـن الدنيـا تـراهـا مـغـره = هنـوف تعاشـر كـل وقـت خليـل

تفتـر بـيـن أقبالـهـا وقفايـهـا = فـر الهبـوب الصلـف للتكـويـل

أحـد تزيـن لـه مبـادئ وقـتـه = وأحـد عليـه بـلا خمـال تعـيـل

إن أقبلـت نـم حـدر جـذع نخلـه = وعليـك العثـوق المرطبـات تميـل

وأن أدبـرت لاتعتبـر فـي قـوتـك = لـو أن حيلـك مثـل حيـل الفيـل

تـراك لـو أنـك شجـاع صـامـل = تصيـر مـن جـور الزمـان ثعيـل

وأصبر إذا مسك مـن الوقـت شـده = تـراه ماينـفـع كثـيـر الـويـل

والصبر موعود بالأفـراج صاحبـه = ولا شــده الإ عقبـهـا تسهـيـل

ولاتفضي أسرارك على كل صاحـب = إذا صـرت ممـا صايبـك علـيـل

تغتر فـي رجـل(ن) قبـل تجروبـه = تخمـل عليـه بهقـوتـك تخمـيـل

وهو مايقـر العلـم بيـن ضلوعـه = الإ أن يـقـر الـدهـن بالغربـيـل

تـراه للعـدوان ينشـر سـرايـرك = والسـوء علمـه للمعـادي تـيـل

بعض رجـال الوقـت هـذا مغـره = والـي تومـنـه الـسـدود قلـيـل

أيضـاّّ إذا رابعـت رابــع طـيـب = كد بـأن فعلـه مثـل نجـم سهيـل

تـرى الرجـال يطالعـون قريـنـك = دايـم عليـك عيونـهـم دربـيـل

إن مانجحـت بعينهـم مـن فعلـك = وإلا حسبـت مـن الخمـام دويــل

خذ النصيحـه ياشخـص والزمهـا = كملتـهـا باوصافـهـا تكـمـيـل

وإن كان ماتفهم عقب ماذكرت لـك.؟ = تـراك حـيـوان غــداه قصـيـل

واليوم أنا أطلـب خالقـي بالتوبـه = وإلا السـوالـف مالـهـا ظـويـل

يالله عفـوك ياوسـيـع الرحـمـه = يـا لمايـن اللـي ماعليـك وكيـل

يارافـع الرايـات يالفـرد الصمـد = تلطـف العبـد فـي ذراك دخـيـل

أطلبـك يامـولاي تسمـح عـنـي = وإلا العـمـل ماينـمـدح بالحـيـل

ترى أبـن أدم لـو تطيـب أعمالـه = لازم ذنـوبـه يرجـحـن بالكـيـل

يالعبـد لاترهيـك طيـب أعمـالـك = تـراك فـي يـوم الحسـاب ذليـل

إن كـان ربـك مانعشـك برحـمـه = وإلا تـرى لـك منـزل فـي ويـل

يالعبـد لاتغويـك عجـات الصـبـا = وأن القـوي لازم يصـيـر هـزيـل

ترى طربة الدنيـا وعجـات الصبـا = أحــلام لـيـل مالـهـا ذبـيــل

ترى كل شئ(ن) له حساب وينتهـي = والعمـر يقضـي والزمـان طويـل

وإذا أعترفت بحالة الكبـر والهـزل = توك تسنع عدلهـا والميـل.....؟؟؟؟

مسكين يامن فات وقته على الجهـل = وأبليس له فـي كـل وقـت عميـل

أبليـس غـر أدم بشيـن أعمـالـه = ليـن أظهـره مـن جنـةٍ ٍ ونخيـل

وأن تعتبـر باللـي مشـى قدامـك = تــراه نــزال وأنــت رحـيـل

لاتحسـب أنـك يالفقـيـر معـمـر = والموت قبلك كم أخذ من جيـل...؟؟

المـوت ماخـلا الرسـول محـمـد = اللـي يجيـه الوحـي تالـي اليـل

والمـوت ماخـلا رجـال الطـاعـه = الأنبـيـاء فـعـالـة الجـمـيـل

والمـوت ماخـلا رجـال الشجاعـة = كبـار الصحـون ومقحميـن الخيـل

تسدحوا حدر الثـرى عقـب غيـره = توسـدوا عقـب الحـريـر نثـيـل

راحوا مـن الدنيـا بقطعـة خامـه = وشـوى رمـل مـن جبـال رميـل

واللـي فعـل منهـم فعـول زينـه = بقـت سمعتـة والأ الحيـاة تـزيـل

المـوت ماخـلا خبيـثٍ ٍ وطـيـب = كـلٍ ٍ إذا جــت حـزتـه يشـيـل

هـذي منازلهـم وهـذي وسومهـم = حنـا بعـد فـي وسطهـا نـزيـل

حياةٍ ٍ وراها الموت وش ينبغي بها.؟؟ = عقـب العسـل شـرى وحنظلـيـل

شعيب عاش ألف عديد مـن الدهـر = وقبل أنتـزاع الـروح نشـد وسيـل

قالوا شبعت.؟ وقال كنـي داخـل.!! = مع هالباب وأجـري يـم ذاك هذيـل

وقارون مافكـه مـن المـوت مالـه = ولافـك عنتـر سيـفـه الصقـيـل

عندي خبر بالعمـر مثـل العدولـه = يقضـي بهـا المعـدل مـن العديـل

يالله حـسـن الخاتـمـة يـاربـي = نهارنـا وسـط اللـحـود نـزيـل

نهـار مقعـادي وحيـدٍ ٍ لحـالـي = ولا صاحـب عـنـدي ولا خلـيـل

حطونـي الأحبـاب وأقفـوا عـنـي = وغـدا لهـم يـوم الفـراق عويـل

يالله تأمـن وحشـتـي بالحـالـي = تمـن مخـافـة عـبـدك الذلـيـل

عـن حـر شمـس الأخـرة ياربـي = تظلـنـي فــي ظـلـك الظلـيـل

تمت وصلى الله علـى سيـد المـلا = وتمـت وعمـر السامعيـن طويـل