أضحكـ لوصل وهجرتدمع له العين

ونيت ونــه خلت الصـــدر نصفين =من علت(ن) في وسط صـــدري دفينه
اشــــد من حنة خـلـوج البعارين=ومن زفر حـر القيد محكم ايدينه
دنيا بها جربت انــا الزين والشين=عشت الفرح وايـــام مره حزينه
اضحك لوصل وهجر تدمع له العين=كــلي حزن وافـراح تكفي مدينـه
امشي يسارالدرب وارجـع باليمين=وارجــع يساره بعد تهت ا بيـمينه
ولاجيت اشوف الخوخ يجذبني التين=واحـتــرة انا مـــابين خوخه وتينه
ابدأ بحــرف الجيــم يعجبني السين=وجــف الـقـلم مابين جيمـه وسينـه
وعانيت وتعذبت مـثــل المحـبيـن=ووصفة حـبه ثم صــــافي جبيـنـه
أقــلوب تقسى بعد ماتاصـل اللين=واقلوب حــارت بين قسـوه ولينه
وابعدت وانا منتظر موعد ايحيـن=حان الـــوعد وابعد بوقته وحينه
منها عرفت ان الشقاء بين حرفين=وبسبابها الــعــاشق يبيح كنينه
حرفاً حملته واصبح الحمل حملين=وحرفاً بداية بين بحــــر او سفينه
واخترت اعيش العمر مابين حدين=حــــد الفراق وحد فرصه ثمينه