مليت انادي وانشد الكون وش فيه؟

ياارب كانه ماحصل لي الاقيه
والقى معة روحي ونبض فقدتة
خذ عمري إللي باقي لي فلابيه
انا وعدت وبأوفي إللي وعدته
ال(لا)لغيره بس له تنقلب(ايه)
وقعت باسمه خافقي واعتمدته
اللة واكبرمن كثرماني اغليه
لازاد هجرانه من الوصل زدته
عهدي به أصلامايجي لين أناديه
واليوم ماجاب الندا ماعهدته
مليت انادي وانشد الكون وش فيه؟
ولامن مجيب إلا الصدى لانشدته
ولامن سألني عطري وين راعيه
أهذي عليه واحسب اني أفدته
احتارصوتي بين ألأهات وال(ليه)؟
وباقي الحكي ضايع ولوي وجدته
تضيق بي دنياي إذا جيب طاريه
حسره على وقتن معه ماقعدته
وقتي ياإما هجوس وإلامشاريه
نفس الشريط ليا أنتهى قمت عدته
اخفي دموعي بابتسامات ووجيه
ووصف جنون فالهوى ماشهدته
والهم وين ماعرف كيف اربيه
وألاالفرح جا ميتن من ولدته
يارب ياللي مالي الا انت اناجيه
ولا غيرك احدن في حياتي عبدته
خذني اذا أني بعد موتي بألاقيه
وش لي بها الدنيا عقب مافقدته