نبذه عن الشاعرة بخوت المريه

تل قلبي تل طير(ن) على الجول مهدود=يطرد المقفي وطـرد المقافـي كايـده
مهبلك ياللي تبي الوقت الأول لك يعود=من يرده كون محيي العظـام البايـده

وجودي علي بيت الشعر عقب بيت الطين=وجودي علي شوف المغاتير منتشره
وجودي علي خوة هل الموتر المقفين=وجودي شوف السهل من ورى الحره
اليا حلوا البدوان وصاروا علي بيتين=ومن كان له خلٍ معه ذاك ماغره

ليته يناديني وانـا بـس اناديـه=واجاوبه ياحسين ولو كان مـره

عليه قلبـي يابسـات عراويـه=اقفا ابقلبي من ضلوعـي يجـره

ذالي ليال قاعده فـي حراويـه=ليننهـا زادت علـى المضـره

قمت اتوجد وجد من مات غاليه=قبوه اقبالـه كـل يـوم يمـره

أو وجد من خاوه والليل ممسيـه=ينخا ولا حد من هل الهجن مره

خلي طريح والضواري اتحاضيه=بالمقطعه وامقابله ضلـع حـره

على الذي ماشفت حي ايحاليـه=شيخ على القوم المعاديـن شـره

جيت النازل خاليه ما بها اونـاس=من عام الأول ارضها ما وطي به

ولقيت مرح أهل المـروات دراس=علمه بهم يا بو مطر علمـي ابـه

مريتهـا يـوم المعاليـق يبـاس=ونزلتها يـوم الضمايـر عشيبـه

وونس بصدري واهج الحر حماس=احسب من فارق هله لي يجي بـه

واقفيت كن ابسرت القلـب مـراس=واقنب كما يقنب من الجوع ذيبـه

واعول كما تعول على البو عرماس=ومن لامني جعل حوالـه عطيبـه

باللي يفكون الطلب عقب الادمـاس=ربعي مصخرت العدو بالغصيبـه

اليا منهم ركبوا على سرج الافراس=وتحيزموا من فوق قـب عريبـه

اليا اعتزوا ببعير عالـي السـاس=خلوا على جمع المعـادي حطيبـه

ذكر الموده للعرب ما بهـا بـاس=لكنهـا علـى المولـع مصيـبـه

حب الرفاقه شيب القلـب والـراس=وباق المـوده لـه بديـل قريبـه

باقي العرب تلقا بديله مـع النـاس=واخوك لو درت البدل مـا لقيبـه

مل قلب(ن) فر وأفتر مثـل المروحـه=فرهـا فـرت جديـد قوي(ن)سيرهـا
ان ضحك لي صاحبي سر قلبي وافرحه=وان تغلى صاحبي زاد عينـي شرهـا
صاحبي ناوي يذبحني وانا مقوى اذبحه=شب في كبدي سنـا نـار زوّد حرهـا

العب المنكوس وارفع بصوتي ماعلي=من هل المنقود واهل العلوم الهينـه

تل قلبي تل فرت(ن)على سبر العجل=عشقه راعيه والحوض تحته قد ملاه
ان تسنّد عشّقـه ثـم لـده بالدبـل=وان تحرر ريّحه لين ياصل منتهاه

البارحـه والحبايـب كلـنـا لـمـا=يوم اصبح الصبح كل(ن) راح في داره
حسبي على الحلم يكذب جعلـه الهمـا=سوّى بحالـي كمـا عـود ونجـاره

ياعلي ياخـوي ويـن بدوانـي غـدو=لا خبـر ولا مديـد ولا قلبـي بنيـس
راحوا العربان في شف قطعـان البـدو=في هوى الخلفات ماراوزوا يوم الخميس
نحف حالي ياعلي نحف مدراة السـدوو=زوع قلبي زوع حر (ن) إلى شاف القنيص

جعل وبل الغيث يسقي ديار المفرعين=زل اللي كن حديثـة حليـب معدّيـة
ضيقيتي في خاصري دايم ماهوب زين=قومي اللي سـم حالـي وبيـح سدّيـة
ان سجنته قام يتبـع دروب الدالهيـن=وان نشدته قـال انـا علتـي متعدّيـة
ان بغى خلي جنابي فلا غيره ضنيـن=وان بغى يقفي فيقفـي مـراح مودّيـة

زوع قلبي زوع طير قطع قد هو حكير=من شياهين البحر واستخل اهجارهـا
كل ما صاح االمصيح تعلوت تستديـر=عقب ما هي حكرة سعدهـا بطيارهـا

عسى من صنع ذا الهاتف ايدية ماتنشل=عسى دارة الوسمي يخـرب بساتينـه
تعلا الحـرارة وان تكلمتبـه تنـزل=على صوتهم قلبـي تريـح شرايينـه
وجودي على طيارة صوبهـم تنتـل=علشان مستشفـاه باجـي مصاخينـه

كن ذيل ذروة راس بنت على زيان=يازين شوفه في العراقيب يجتالـي
يازين شوف حوارها بارك ريـان=في حرف روض والمضاهير نزالي

المرسدس محلاه في طلعت ام حويض=اليا عطي ثالث جاوب السير شكمانـه

حن قلبي حن (( ماك )) على سمر العجل=عشق السواق والدرب ممسـوك(ن) وراه
إن عطا مع طلعة(ن)عشقـوا لـه الدبـل=وإن تسهل ريحـه ليـن ياصـل منتهـاه
ما بشفـي لا دريـول ولا ريـس عمـل=شفي اللي كل ماشـاف بـراق(ن) رعـاه
صبي أهله قطين(ن) على عد(ن) جاله=عبل\ طيب(ن) للبل وراعيـه مايقطـع ظمـاه
ونتي ونة خلوج(ن) ولدها مابعـد جـدل=تشـرف المرقـاب للـذود وتعـود وراه

ياحن قلبي حن ماك(ن) مع الطلعـات=ليا عشقـه بالعايـدي والدبـل جـره
جرمة ثقيل وحملـوا فوقـه البيبـات=ويدعـس عليـه ببنزينـه ولا سـرّه
انا دمع عيني بالدقايـق وبالساعـات=ولا هي على فرقا المحبيـن مستـره
هواجيس قلبي كل ما أقول راحت جات=تعود علي باليوم خمسة عشر مـره .

ياجماعة وإن عزمتوا على أنكم راحليـن=غمغمونـي عـن مظاهيركـم لاشوفهـا
كن في قلبي لهب نار ربـع(ن) نازليـن=اشعلوهـا بالخـلا والهبـوب تلوفـهـا
ول عود(ن)لاش رحمه ولا قلب(ن) يلين=عسى ذودك في نحر قوم(ن) وانت تشوفها
عيدوا بي في الخـلا والفريـق معيديـن=كل عـذرا نقشـت بالخضـاب كفوفهـا
مايقرب دارهـم كـود صنـع الذاهبيـن=كود حمرا عزمها مـن صفـاة بلوفهـا
كن حنين الويل يشبـه لخلفـات القطيـن=لينوا له بالقـدم مـع طمـان اجروفهـا