صدقيني حيل أحبـك والوعـد يـوم القيامـه

إجرحيني لا بغيتي .. كان لِكْ جرحي إبتسامـه
المُهم إنـك تكونـي يـا بعـد ذاتـي.. سعيـده

روحي له الحين يالله وإسمعي صوته وكلامـه
ولا تشيلي هَم قلبـي عِيشـي دنيـاك الجديـده

قولي إنك ما عرفتي فـي الحيـاة إلا غرامـه
وقولي إنك قبل حُبه تمشي فـي دربـك وحيـده

ولا تجيبي لي طاري وتسمعـي منـه ملامـه
سولفي عنِّك وعنه وصيري عن قلبـي بعيـده

وإن بغيتيني تعالي وعوِّضـي فينـي خصامـه
وصدقيني في النهايه إنتـي وحـدك مستفيـده

دام قلبي من غلاتك..... إيتفزز مـن منامـه
أشهد إنه حيل حَبك مـن وريـده لـي وريـده

وكان همِّي بس أشوفك طايره مثـل الحمامـه
وإن فرحتي كنت أفرح وأكسر بيـوت القصيـده

كنت أشوفك في عيوني مثل (زرقاء اليمامـه)
وين ما قلبك يسافـر كانـت عيونـي تصيـده

شفتي هذا الكون كلـه بالرجولـه والشهامـه
لـو بغيتينـي أبيـده .. والله لعيونـك أبيـده

كنت أحارب لجل حُبك والقوي أكسـر عظامـه
وكان قلبي لك أسيرٍ وكانـت عيونـي شهيـده

قلبي والله من عرفتك صرت مدري وش علامه
كل ما صرتي في عيني شفت نبضاتـه شديـده

وقدرك اللي إنحنى لي وقلت: عـز الله مقامـه
عالي قدرك في عيوني وكل مـا شفتـك أزيـده

إنتي لو عني تغيبي صـارت جروحـي يتامـه
خافي الله لا نويتـي ولا تضحـي فـي عبيـده

كنت أسهر من غلاتك حتى ليلـي مـا أنامـه
وإنتي مشغوله بغيري ودُوم أشوفك تحت إيـده

كان ودِّي بس أحظى بحـب قلبـك وإهتمامـه
والشعر عنِّـك أقولـه وأنتهـي منـه وأعيـده

كنتي أمنيتي بحياتي وكنتي في قلبـي مرامـه
وإن كتبتك في حُروفي صـارت القصـه فريـده

وكنت أشعِل لك كفوفي لجل أنوِّر لـك ظلامـه
وإن خذيتي العِلْم منـي تطلـع علومـي أكيـده

حتى لما كـان يرمـي كلَّهَـا فينـي سهامـه
كنت أضَحِّي في حياتـي لـو نوالـك بالمكيـده

ما حشمتي قلب شخصٍ له شموخ وله كرامـه
وما حسبتي حساب ناسٍ همَّهَـا بـس النقيـده

شاعرٍ ما رَد حتى ...علـى لبَّاسـي العمامـه
وقلبك إنتي صار فجـأه والله يـا حلـوه يقيـده

في الزمن نادر وجودي ويا كثر فيه الرخامـه
وصار عادي في زمنَّـا الأخُـو يقتـل عضيـده

الحديـده فـي إيدينـي والقضيـه.. إتهامـه
وإنتي القاضي وطبعاً ما تحسـي فـي الحديـده

مركبي الغرقان بَسِّك لا تزيـدي فـي حطامـه
كل ما ألمح نجاتـي صـارت أمواجـك شديـده

صدقيني حيل أحبـك والوعـد يـوم القيامـه
ويل من هو كان يكْذِب وكانـت ذنوبـه جريـده

إتركيني لجل عينه .. كان لك حُبـه إبتسامـه
المهـم إنـك تكونـي يـا بعـد .(.فارس.).. سعيـده

إنسي اللي صار كله وصيري له منبع هيامـه
وإن ذكرتيني بغيابي قولي عـن روحـي فقيـده

ما أبي من قلبك إلا .. طول عمره والسلامـه
خَلِّي بالك مـن زمانـك دنيتـك هـذي عنيـده