الشاعر النايف مشتاقين

ياللي تنادي جيت لك بالعلوم وشبت النار
وأن غبت بعض ايام ماتعتبر غيبه طويله

ابشرك يالشمري في دروب العرف ماحتار
وبشرك ماصافح الناس بالكف البخيله

دامك حضرت اليوم ياصاحبي مافيه معذار = وكل ٍ ترى ذا الليل لازم يبي يظهر حصيله

منته بمحتار ٍ معي والعلوم طوال وقصار = والحكمه الحكمه مع الرجل يالنايف فضيله

الخيل فالميدان يالشمري والناس حضار
ونهاية المشوار يعرف بها راع الاصيله
حنا هل المعروف والعرف واهل الجود والكار
والشمري رجال عاقل و لا ينسى الجميله

أشوف لي شخص يتعبّث بيدّه داخل النار = لكن قل له ياعميلي ترى عقله دليله

حنا ترى مانجهل اللي تقوله يابن الأحرار = ومن ينكر المعروف ياصاحبي دوّر بديله

الرجل يعرف يابن شمر بفعله وقت الاخطار
واللي تطول اخطاه من دون داعي ياحليله

بعض السوالف كايفه كنها من بن وبهار
وأنا اشهد ان الشمري كفوا ويمثل قبيله

إن كان ماقدّر ولاحط للرجّال مقدار = لابد يجي له يوم والحمل ملزوم ٍ يشيله

حنا على وضح النقا حاشمين الضيف والجار = والا الهزيله مالها كود من يهوى الهزيله