سياف العتيبي
من هاجس ٍ فالشعر صايل وجايل
جات المثايـل يامحـب المثايـل
والعلم مابين اهل نجـد ٍ وحايـل
مافات شي وكل مطرود ملحوق
ياسلامي سلام ٍ يشمل المسلمين=ردة ٍ تشرح الخاطر ونلها بها
يالشمري وصلت لنقطـة تأهـب
الليل لايسـري تزهـب تزهـب
واسمك ترى مابين الاسماء مذهب
مافات شي وكل مطرود ملحـوق
انت رجل ٍ تجيب العلم دايم وزين=والهقاوي تغربل مـن تهقوابهـا
عبدالرزاق الشمري
من هاجس ٍ بالشعر بالحيل طربان
جات المثايل كلها اشكال وألوان
وشمر تحرى العلم منكم ياعتبان
مافات شي وكل مطرود
ياهلا مرحبابك يالرفيق الفطين=ماحلا ردة ٍ ياذيب تبدى بهـا
أنـا متأهـب كـل يـوم ٍ وليلـه
واصبر على الطرقه ولوهي طويله
قدها ونشفي كل كبد ٍ عليله
مافات شي وكل مطرود ملحوق
علمنا ياعميل الخير دايم ثمين=والرديّه تنقّص كل من جابها
سياف العتيبي
والنعم في شمر ملايين ياخوك
والعلم عانه يابن الاجواد فالبوك
وبيبانه الاثنين فاتح ومصكوك
مافات شي وكل مطرود ملحوق
البقا يالمرحب مير خلك ذهين=ودنية العبد فوقه تضرس انيابها
انته تأهب كـل يـوم ٍ ولكـن
لاجاك وقت العلم اظنك تماكن
يوم السيوف الحدب قدمك تحاكن
مافات شي وكل مطرود ملحوق
خابرك مير انا بشوف دربك منين=والرديه لاهلهـا ماضرينـا بهـا
عبدالرزاق الشمري
عساك تسلم ماعليكم تـرى زود
والليله الليله نبي منك مجهود
والدرب الآخر عنك ياذيب مسدود
مافات شي وكل مطرود ملحوق
صاحبك يالعتيبي قاسي ٍ مايلين=يوم بعض الأوادم تفلت أعصابها
أنا ترى دون حالي على طـول
وانته تحاول تخلط السم بالفول
يحول ياسياف يحول يحول
مافات شي وكل مطرود ملحوق
دربنا ياعميل الخير دايم يمين=والمواقف ترانا نحسب حسابها
سيلف العتيبي
يالصاحب اللي فالملاعب نشوفه
ويش المكاسب عقب هاك الكلوفة
اللي مشى مثلك يحسب بألوفه
مافات شي وكل مطرود ملحوق
شوف غيرك ظهر وانته هنيا رهين=قبل لاتتلف اعصابك وتبـلا بهـا
امشي على وضح النقا مااتدسس
وادرس العالم وحتى المدرس
عساك يالمطنوخ عقبه تونّس
مافات شي وكل مطرود ملحوق
العلوم الكثيرة بالمواقف تبين=المناهج ندرسهـا لطلابهـا
عبدالرزاق الشمري
حنا كسبنا عرف بعض الرياجيـل
يوم ان بعض الناس مامن محاصيل
غير الشتم والذم والقال والقيل
مافات شي وكل مطرود ملحوق
من ظهر ماحسدته والله انه يعيـن=دون حالي وبعض الناس يسرى بها
مابك قصور ٍ يالعتيبي وممنـون
واللي تدسس ماحصل له ولا لون
يعيش عمره تايه الفكر مغبون
مافات شي وكل مطرود ملحوق
يالمدرس ترى الطلاب متفوقين=قبل درسك وقيفان ٍ تغنى بهـا
وأعذورنااااااااااااااااااا على القصور 
محاوره بين عبدالرزاق الشمري وسياف العتيبي
محاوره بين عبدالرزاق الشمري وسياف العتيبي 
النمط الخطي
