ريـــــــــــــــــــــح الــــــــــــورد

هب الشمالي منذر بجيت البرد = وأنا وحيد وتالي الليل ساري

متقلد(ن) سيفي على ثوبي الجرد = والدرب موحش والليالي غتاري

ناديت بأعلى الصوت صوت الصدى رد =دربك خطير ولا تكمل حذاري

لا تطرد المقفين ما ينفع الطرد = ترى الغلا بالطيب ما هو جباري

لو صار جيش الهم واجد وأنا فرد = ما والله أرجع دام هذا قراري

لو النصيب يكون فيه أخذ(ن) ورد = لكن النصيب يصيب والكل داري

من أجل ريح الورد يستاهل الورد = وقفت ألم لكنها باختياري

لا تشرح القصه ولا تكثر السرد = لو ترخص الاعذار ماني بشاري