والرابعـه دمعـة رجـل صبّرتنـي

لونك غريب ولـون عينـي سحابـه
هلـت مـزون دموعهـا واذهلتنـي
ياخوي غصباً غصب عنـي الكتابـه
ليلـة وداعــك ليـلـةٍ عذبتـنـي
طويت حرفي وانطـوى فـي ثيابـه
حتى القصايد مـن قهرهـا بكتنـي
سألت نفسـي كيـف ليلـة غيابـه
باسرج ثوانيها وهـي مـا رعتنـي
وشلون انام وجفـن عينـي عذابـه
انه يشوف دموعـك اللـي كستنـي
اضم صدري واحسبك فـي رحابـه
واصدق ان طيـوف وصلـك لفتنـي
اضمى قهر واروى دهر من سرابـه
وابكي نهر واثـرك سـرابٍ بمتنـي
موقف صعب موقف رجـال ومهابـه
تبيـن فيـهـا قـسـوةٍ كبّلتـنـي
عزاي قلبك يوم سافر بقى به
اربـع معانـي شفتهـا واذهلتنـي
الطيب والعزه وصـوت النقـا بـه
والرابعـه دمعـة رجـل صبّرتنـي