حمد السعيد وشاعر المليون ومافيك حيله قصيده رائعه

يوم انتهى شاعر المليون ياساده=فكه ولو ان بعض الناس ماوده
يبي علينا يدور الحول وزياده=وده وحنا بعد والله على حده
لكن تعبنا وكلٍ حصل امراده=لجنه وشعار وكلٍ عزم الشده
غير المباشر يجي تسجيل واعاده=ولا شيٍ الا وقولة بس لا بده
برنامجٍ خذ على اللي مثله ارياده=الناس ماملته لو طالت المده
يسلم بوخالد نهار اعلن بميلاده=خلا جميع البرامج تعلن الصده
ناسٍ تدبر وهو يمناه سداده=ماهو من اللي يحفظ المال ويعده
بنى للاشعار صرح ولم رواده=لو اني من الشعر لا اقبل قفى يده
جونا شواعير وجونا ناس قصاده=كلٍ خذا اللي خذا من تعبه وكده
احدٍ تغنى على دمعات بغداده=واحدٍ على ام العيون مبيحٍ سده
واحدٍ لتفزيع ربعه ركب اشداده=واحدٍ يجمع قصيد الناس ويعده
ماهيب سرقه ولكن صايره عاده=تحريف الابيات لينه يقلب ضده
حنا خذينا التعب روحه ورداده=نجي بالاثنين ويوم الاربعا الرده
مطاركم ملنا الضباط وافراده=ومطارنا لاقضبونا اندور الهده
سبعة شهورٍ وكلٍ معلن اجهاده=ومكاننا لا اعتذرنا ماحدٍ يسده
لين جزل القصيد استرجع امجاده=صرحٍ بنيناه محدٍ يقدر ايهده
مع ذا بلشنا بحساده ونقاده=ناسٍ على نقدنا ياحول محتده
لصغر خطا جاهزين الربع صياده=والطيب ضايع ولاحدٍ منهم يعده
ومثلي تطيب بهالعالم ولا فاده=تجيك ناسٍ تقول امجاملٍ حده
اي والله اجامل العالم ولي عاده=الطيب لامر صوبي ماقدر ارده
الطيب عودٍ وانا واحدٍ من احفاده=ولاجيت في موقفٍ الا وانا قده
قزرتها بفالك التوفيق كالعاده=ومافيك حيله وكلٍ جاذبه جده