شوك الاكباد

خذ هالنصيحة معك يا قرم الأولاد =ما تنقصك كان أنها ما تزودك


أوصيك في نفسك ترى جهادها جهاد =أكبر جهاد أجهادها لا تقودك


أمارةٍ بسوء والله بمرصاد =لا تطيعها تغويك وأرض معبودك


تراه ما ولّى من العمر ما عاد =أغنم ليال العمر بيضك وسودك


خلك ولد ما ينقدك كل نقاد =وأطلب من الله يسترك في سجودك


لا يصير فيك اغرور وخبال وعناد =ترى إنحدارك غير ما هو سنودك


وأياك ويا الحسد وعروض الأجواد =لا تأكل ثيابك شرارة ازنودك


لا تقول قولاً ما تحضر له أسناد =ولا تصير شاهد زور ولا شهودك


ترى الكلام الشين هو شوك الأكباد =وأن بحت حد الناس باحوا احدودك


لو قلت أبوي اذياب والا بن شداد =والا حداهم واحداً من جدودك


لا عاد لا تنشد ولا عنك نشاد =عدمك ربحي والخساره وجودك