سيد الغلا

رغم التغلي والله القلب مغليه=ما قبله اللي صد عني وصحته

يزعل ليا منه طراله واراضيه=واستسمحه عن جرحي الي جرحته

واليا أمرني قلت له سم لبيه=والله لو يطلب عيوني منحته

يا كثر ماني هايم بالهوى فيه=فضحت ن فسي بالعباد وفضحته

ارتاح لامن جابوا الناس طاريه=ان مدحوه الناس والا مدحته

حتى الفرح عيني تشوفه باراضيه=وافز لامني بصدفه لمحته

أحيان اسج بوسط ربعي وأناديه=ويا كثر ما جاني خياله ونحته

هذاك كنه ماخذ القلب بيديه=لقى مفاتيح الضلوع وفتحته

واليا حكابه واحد ما يدانيه=شطفت موضوع الكلام وكسحته

ما سمع كلام اللي حكابه ولا اوحيه=وان شفت دوار النمايم سنحته

لو ما عطاني صاحبي ليه ما عطيه=كافي لمحت الحب فيه وشبحته

ما قول كل الناس خسرت لياليه=اقول انا اللي في حياتي ربحته

سيد الغلا حاضر زماني وماضيه=طرحت نفسي فالغرام وطرحته

وان كان ما تدرون ليه الغلا ليه=القلب تاقف دقته لا نصحته