...اليوم الوطني ....

ياديرة العز والاسلام وارض السلام = ياطهر وطن عن تفاصيلك حديثي يطول
يالمملكه فاق وصفك عن حروف الكلام=والله مايحتويك القول مهما نقول
يااشرف وطن شرفه ربي ببيتا حرام=ياقبلة المسلمين ويابلاد الرسول
يارض الرساله ومهبط قول رب الانام=قران يتلى نزل جبريل به لن يزول
تستقبلي يابلاد العز في كل عام=مايفوق مليون مسلم من جميع الاصول
من كل حدب وصوب ومن جنوبا وشام=ياتون للحج يرجون العفؤ والقبول
ومن اصغر الشعب للحكام نسل الامام=الكل في حالة استعداد قبل الوصول
الكل يسعى لخدمتهم على مايرام=يرجي من الله على فعله مثوبه ينول
شعبك كريما تحت راية حكومه كرام=اخوان نوره سلاطين الرجال الزحول
ويكفي اذا قلت ابومتعب رفيع المقام=يركي لحمله ولايبلش بكبر الحمول
لاقال قوله يقف دونه بحد الحسام=يحكم بوجب كتاب الله ونهج الرسول
وولي عهده بجنبه فالشدايد حزام=سم الاعادي لادقت للمعارك طبول
نسل الموحد قبل مايفوق تسعين عام=وحد قبايلك وارضك فوق كور الذلول
جاها وهي سايد فيها الجهل والظلام=ظلام طاغي عليها في جميع الفصول
ناس تناحر ولاتفرق حلال وحرام=وفعايل من بشاعتها تزوغ العقول
فيها القوي يذبح المسكين ذبح الحمام=من شان ماله ماعنده غير ذبحه حلول
كانت حياة البشر فيها وعلى الدوام=سلب ونهب وتفكك وانحدار ونزول
يلين مالله اراد لصقر نجد الهمام=وبالحق والسيف خلا الناس تمثل مثول
ووحد صفوف البشر والعدل فيها استقام=وحصل التالف وقبله كان صعب الحصول
وعقب التفكك بدت تنعم بكل انسجام =والحق منصور والباطل يظل مخذول
واليوم ذكرى ونفخر به ويبقى وسام=يوم الوطن تاج من فوق الجباه محمول
الله يرحمك ياعبدالعزيز الامام=انا اشهد انك فحل لن فالنشاما فحول
الله يطيب ثراه اعداد وبل الغمام=مرحوم يامن جعل صعب العقود محلول
ندعوك يالله يامحيي رميم العظام=تنصر عياله وتجعل كل خصم مخذول