هذي قصيدة مثيب ابن موسى العتيبي بعد ان اقام عند الويبار من عبده من شــمــــر
مده سبعة اشهر واليكم القصيده
سلام من هيل(ن)تهايل من الراس
هيل تدك حصون نجد العذيه
تاصل شمال المملكه لبن هباس
ر(ن)جثومة قلبي الداخليه
من حب اهلها مالها عندي اجناس
شمر هل الطولات في كل هيه
ويبار والويبار ساس(ن)على ساس
حماية القاله حصون الرعيه
لاتعزوو واعتلو قب الافراس
والنعم ياهل العزوه السنعسيه
للطيب واحدهم كما النور نبراس
ترحيب ومسامر خوي لخويه
لاجيتهم والصدرضايق ومحتاس
تنسا هموم(ن) بالحشا باطنيه
ماظنتي من عقبهم بالقا الاوناس
لو نسمة الصمان نسمه عذيه
يفداهم اللي دون مصياف انفاس
ولا ورى الاردن شمال(ن)شويه
قضيت معهم ثمرة العمر ياناس
سبعة شهور(ن)كنها البرق ليه
نذر عليه مدحهم دون مقياس
واذكر مزاياهم صباح وعشيه
وختامها يالنفس لاباس لاباس
هذي تصاريف الزمان القويه
الشاعر /مثيب ابن موسى العتيبي 16/5/1428ه
هذي القصيده رد على مثيب ابن موسى المقاطي
الشاعر /خالد ابن سعد الويباري الشمري
قال الذي جاب القلم واتعب الراس
ابيات شعر(ن)من ضميره تهيه
ابيات شعر مرتبه قاف وقياس
رتبتهن ترتيب عدل وسويه
وخلاف ذا ياراكبن صنع الافناس
فكسار لاند كروز مافيه زيه
صدر من اليابان مافيه لولاس
وعبداللطيف مورده للبريه
ليا انطلق يطري علي فرخ قرناس
ولياوقف هيبة امير الرعيه
يمشي من الروضه قبل وقت الادماس
لديار نجد اللي هواها عذيه
على الرياض ان كان ماجاك الانعاس
وطريق مكه تمسكه دون خيه
ومع كبري رويضه تيامن بالاطعاس
تقرا على اللوحات عروى شويه
اميره ابن حميد فكاك الاحباس
ابن حميد اللي علومه نقيه
ملفاك بيت(ن) مايجي فيه حراس
مشرع(ن) لضيف والنار حيه
تلقا الكرم والجود والطيب به اجناس
كلن على الثاني يقدم خويه
ودلال رسلان يجلن الاعماس
يجلن هموم(ن) بالحشا داخليه
دار ابن موسى والمكارم له الساس
من لابتن على المكارم صخيه
من لابتن يوم الملاقا بالافراس
تقدم على الموت الحمر والمنيه
من لابتن تسقى العدا سم باكاس
عتبان والعتبان زبن الونيه
تاريخهم بالمجد والعز نبراس
من يوم هي بالسيف وركب المطيه
ورثتهم يامثيب في قوة الباس
بالطيب والنخوه ورد الجزيه
وخوة مثل شرواك يرفع بها الراس
فيك افتخر يامثيب بين الرعيه
ومدحك لنا يامثيب عن باقي الناس
جربتنا في غربتك بالبريه
تقول سبع شهور باديار هباس
ماذقت طعم(ن)للتعاسه شويه
تقول بالويبار ياعز الاوناس
طيب ووفا تلقا الخوي مع خويه
طبع(ن) بنا يامثيب ما جت بالادراس
ورث الجدود وورث لاهل الحميه
منهو لفانا يبشر بطيب الانفاس
نرخص له الاعمار ولاهي خفيه
وختامها صلوا على صفوة الناس
المصطفى المبعوث نسل البريه
الشاعر/خالد سعد الشمري
آخر تعديل بواسطة جزاء الشرين ، 23 شعبان 1428هـ الساعة 10:50 ص.
العتيبي يمدح شمر يرد عليه الشمري
العتيبي يمدح شمر يرد عليه الشمري 
النمط الخطي
