ياما على الجاهل يفوتن الأفوات = وياما على العاقل تصيرالبلاوي

ياراكب من فوق حيل مجلات = مترفعاتٍ مبرماتٍ عصاوي

يشدن تخضاع البنيّ العفيفات = على المزيّن جدعن المزاوي

القلب لابده يهوجس بحاجات = والبعد والله مايرد الشقاوي

تفهمو ياهل العقول الفهيمات = متعرضينٍ للخطر والأهاوي

ياما على الجاهل يفوتن الأفوات = وياما على العاقل تصيرالبلاوي

من لاياخذ الدنيا بميزٍ وحيلات = هذاك عقله والهبال متساوي

ولاينجزي راع الحساني بسيات = وراع الصخى حبله طويلٍ رهاوي

ورفيقك اللي دايم الدوم شمات = بيعه برجوى الله وثيق العراوي

والقبر صندوق العمل بيت الاموات = ترصدعلى جاله بدوٍ خلاوي