راعي الهوى لويخفي الحب مفضوح

مارحـت أدورهـا وأنـا كلـي جــروح = وشلـون أدورهـا وأنـا اليـوم صاحـي
ماعاد لي فيها يابوجود مصلوح = مـن بعدماراحـت تـرى الهـم راحــي
قامت تسلـى بالهـوى ضحـك ومـزوح = ليـن تركتنـي غارقـن فـي جـراحـي
راحـت وخلتنـي وأنـا اصيـح وأنـوح = حتـى سقتنـي المـر عقـب القـراحـي
كتمـت أنـا ماصابنـي وارفـض البـوح = حتـى تسـاوت ضيقـتـي وانشـراحـي
راعي الهوى لويخفـي الحـب مفضـوح = يبيـن عيـب الطيـر كسـر الجنـاحـي
بكـره يبيـن الحـق ياصـاح بـوضـوح = ويجلـى ظـلام الليـل نـور الصباحـي
أقولهـا والقـلـب صـاحـي ومـذبـوح = هـذي تـرى الدنيـا جـهـاد وكفـاحـي
ومادام هذا اللي انكتب لـي علـى اللـوح = أنـا تـرى راضـي ومـاراح راحــي
يالله يالمـعـبـود يامـنـجـي نـــوح = ياللـي نصـرت الديـن واهـل الفلاحـي
تجعـل فـؤادي دايـم الـدوم مـشـروح = واعيـش عمـري فـي هنـا وارتياحـي