مصافحة أولى لديكم

الشعر معنى في قوافي على اوزان=أهات شاعر ترجمت من خلاله
من غيض لاصارت هواجيس واحزان=ماصاغها قلباً عن الهم داله
ومن فيض ترجم به احاسيس لانسان=اترك رديه واحتفظ في جزاله
شخصاً بناء بيته على غير سيسان=واصبح على راعيه هماً وعاله
وشخصاً مجود ساس بيته بعمدان=ومن جود ساسه مدركينه خواله
واحدا ً زرع بستان ورداً وريحان=ان ماعجبك ريحه يسرك جماله
ويلي زرعت الشوك ماانته بكسبان=من يزرعه يجني ثمر عزتاله
العرق ثم الجذع وفروع واغصان=وبعد الثمر يكشف رموز الرساله
لوكان طلع الحرمله جاك رمان=ماكان جاء بالكون ظلم وعداله
الطيب يجني طيب والنذل خسران=والتجربة والعلم تمحى الجهاله
لولا الغلط ماكان للصح برهان=والكامل المعبود رب الجـــلاله