بسألك واللي خلقنا في حياتي من تكوني؟؟

والله اني في حياتي ماعرفت الا ديارك
وإلا قلبك ماعرفتة ولا عرفتك من تكوني
كلما حاولت اجي لك يبتعد عني مسارك
كلما حاولت ابدأ دموع عينك يمنعوني
علميني وش بغيتي؟ ولا متى اتلحف بنارك
ماكفاك اللي حصل لي آه ياسبة جنوني
مابقى فيني محطه لجل يعبرها قطارك
مابقى فيني اماكن تلعبي فيها وتخوني
وش تبين اكثر واكثر مابقى الا اني ابارك
انتهى آخر وجودك يوم طحتي من عيوني
مو كفاية كنت أصدق مدح نفسك وافتخارك
مو كفاية لجل عينك بعت من كانوا يبوني
والنهاية وش حصل لي لازم ارضى في قرارك
ليتني وافقت ربعي يوم عنك يبعدوني
ما عرفت انك لغيري واني بإحساسك مشارك
شخص مثلك في صفاتك ولا ابدل لونة بلوني
كنت انا مجرد حكاية تأخذي فيني بثارك
وتدفني غلطت حياتك كان ماخابت ظنوني
من يقول انك حقيقة يتفق معها شعارك
انتي اسوء من عرفته في حياتي وعرفوني
من يقول الليل يزعل لأختفى عنه نهارك
من يقول اني عشقتك وانك انتي بعد كوني
كنتي غلطه بااختياري لا ابد مو باختيارك
ارحلي لا ردك الله وكملي عمرك بدوني
يمكن ألقى في غيابك من يداوي جرح نارك
يمكن إلقى في عذابك من يجمع لي شجوني
ودام انا ماشفت قلبك ولا عرفت الا ديارك
بسألك واللي خلقنا في حياتي من تكوني