بعض العرب لو مات ما هو فقيـده = وأكبر فقيدة يا عرب مات صنهـات

عـز الله أنـه راح منّـا فقـيـدة=صنهات لا قالوا هل العرف صنهات
مرحوم يا راعى الصفات الحميـدة=راع الوفا والطيـب راع المـروات
راع العلـوم الطيبـات الفـريـدة=شهم ٍ كريم وله على العز وقفـات
دمث الجناب اللى علومـه سديـده=للطيب في فعله دلـول وعلامـات
لو كان أبا أكتب فيه 100 قصيـدة=الحزن ما يمحيه ترديـد الأبيـات
المنتدى يصـرخ وينبـض وريـده=هم وأسى وأحزان من كثر الآهات
ليت الله أمهل لّـه سنيـنٍ عديـدة=مير المقدر حق في كـل الأوقـات
ذي دبـرة اللـى كلبونـا عبـيـدة=المعتلى من فوق سبـع السمـوات
رب ٍ يدبـر فالبشـر مـا يريـده=في دبرته مافيـه أي اعتراضـات
والموت حق وكلنـا مـن رصيـدة=لابد من يوم ٍ تقول العـرب مـات
وأبا اختصرها وسط جملـة مفيـدة=وأقولها من صادق القلـب والـذات
بعض العرب لو مات ما هو فقيـده=وأكبر فقيدة يا عرب مات صنهـات