يا أهل الهوى ترى الهوى سم راعيه
دايم وراعي الحب حاله زهيده
وانا بليت بواحدٍ ما أقدر اجيه
بأقصى ضميري نار حبه وقيده
ابو جديلٍ فوق الامتان حاويه
اللي خذا كل السجايا الحميده
ثقل وعفاف وملبس العز كاسيه
راعي الجمال اللي وصوفه فريده
كحله دلال وربه اللي محليه
يادق مثناته وياطول جيده
ياكثر ماشفق له وياكثر ماغليه
ومن زود حبي له رسمته قصيده
وامشي على طرق الموده واباريه
وابيه يقرب والمسافه بعيده
رجعت اعذل القلب عجزت لا اثنيه
متفانيٍ في حب ذيك العنيده
واقول خله قال ماني مخليه
زهقت منه قلت يالله تزيده
خله لعله كايد الضيم يكويه
ياعل مايبقى لقلبي شريده
وش عاد خله... منه مليت مابيه
من كثر ماينتق تقطع وريده
يامن خبر لي قلب للبيع واشريه
والا يبدلني بقلبه وازيده
بشرط واحد طاري الحب ما فيه
ما يلتفت للزين ممشاه سيده
وإن جاه طاري صاحبي ما يدانيه
انا اشهد اني شاريٍ لي وليده
بسج في دنياي داله وناسيه
مرتاح مثل اهل القلوب البليده
قلب للبيع
قلب للبيع 
مشاركة: قلب للبيع 
النمط الخطي
