الدهر بس وياي راكب احصانة

26 رجب 1428هـ, 04:49 م

موقوف

الدهر بس وياي راكب احصانة

الدهر بس وياي راكب احصانة ويكلي وين اتروح كدامك انه

ما صدك الينكال بس بيك اصدك لان نبضي انه وياك كل ثانيه يدك

سلاني سل فركاك واثر بالعظام ذب محبس على الراس ينزل للجدام

الغربه ما تنراد بس والله مجبور عمرك شفت عدل يسكن بالكبور

حنيت انا لبغداد ولشوفه الناس واللي مايحب بغداد ما عندة احساس

كون الله واهل البيت وحيدر الكرار يرجع حبيب الروح واكتبله الاشعار

ناسي ونسيت الناس بس ما نسيتك غالي وصعب فركاك وابكلبي بيتك

طش الدرب تيزاب حافي اعتنيلك جاشلي بالرجلين اللي ماتجي لك

عبالي الكلب يشتاك ساعات الفراك اثاري الكلب جذاب كل لحظة يشتاك

هاك اخذ كل عضاي صفطها بيدك واحسبني دم محروم امشي بوريدك

الميت شمدريه باليمشي جناز لاكن طبع بالروح تمشي ويا العزاز

رفرفت مثل الطير روحي على ملكاك لايمي وافرح بيك ولا اكدر انساك

الحمزة والعباس والحر نخيته كلمن سعة بفركاك ينهجم بيته

للحمزة والعباس اشجي الهضايم ووليفي كبلي بيوم بالحضرة نايم

لو راح عطر الورد عطرك يضل يفوح ولو طال بينا البعد ساكن تضل بالروح

كلبك وين وديته وكلبي لوحدة خليته ياريت اللي شاغلك عني يموت وينهجم بيته

انهجم بيت العين هلكد وكيحة كلما يمر حليو تكلي صيحة

وانتظر ردودكم اخوكم عاشق الغروب

من مواضيعي :

≈ عشرة ألغاز سهلة وواحد صعب تحدي
≈ قصة عيسى عليه السلام
≈ صورة اكبر تمساح فى العالم
≈ الغاز سهله بس ياترى من يحلها واتحدى من يحلها كلها
≈ لا تـخليـني

قوانين المشاركة

لا بإمكانك إضافة موضوع جديد

لا بإمكانك إضافة مشاركات جديدة

لا بإمكانك إضافة مرفقات

لا بإمكانك تعديل مشاركاتك

كود في بي vB متاح

الابتسامات متاح

كود [IMG] متاح

كود HTML غير متاح

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر